വായ്പാ തട്ടിപ്പ്: ഫാ.തോമസ് പീലിയാനിക്കൽ റിമാൻഡിൽ

കൊച്ചി: കാർഷിക വായ്പാ തട്ടിപ്പ് കേസിൽ ഫാ.തോമസ് പീലിയാനിക്കലിനെ 14 ദിവസത്തേക്ക് റിമാൻഡ് ചെയ്തു. കർഷകരുടെ വ്യാജ ഒപ്പിട്ട് പണം തട്ടിയെന്നാണ് കേസ്. രാമങ്കരി കോടതിയാണ് പീലിയാനിക്കലിനെ 14 ദിവസത്തേക്ക് റിമാൻഡിൽ വിട്ടത്.

നേരത്തെ തന്നെ തോമസ് പീലിയാനിക്കലിനെ പൊലീസ് കസ്റ്റഡിയിൽ എടുത്തിരുന്നു. കുട്ടനാട് വികസനസമിതി ഓഫീസില്‍ വച്ച് ക്രൈംബ്രാഞ്ച് കസ്റ്റഡിയിലെടുത്തിനു പിന്നാലെയാണ് കസ്റ്റഡി രേഖപ്പെടുത്തിയത്. നാല് കേസുകളിലാണ് ക്രൈംബ്രാഞ്ച് കസ്റ്റഡിയിൽ എടുത്തിരുന്നത്.

പീലിയാനിക്കലിനെതിരെ ആകെ 12 കേസുകളുണ്ട്. കൂടുതൽ ചോദ്യം ചെയ്യുന്നതോടെ മറ്റ് കേസുകളിലും പ്രതിയാവുമെന്ന് ഉദ്യോഗസ്ഥര്‍ അറിയിച്ചു. കുട്ടനാട്ടില്‍ കര്‍ഷകരുടെ പേരില്‍ കോടികളുടെ വായ്പാ തട്ടിപ്പ് നടത്തിയതാണ് കേസ്.