മലവെള്ളപ്പാച്ചിൽ: മരണം മൂന്നായി; തിരച്ചിൽ പുരോഗമിക്കുന്നു

കോഴിക്കോട്: കുറ്റ്യാടി മലവെള്ളപ്പാച്ചിലിൽ മരണ സംഖ്യ ഉയരുന്നു.കാണാതായ ഒരാളുടെ മൃതദേഹം കൂടി കണ്ടെടുത്തു.ഇതോടെ മരണ സംഖ്യ മൂന്നായി.

പാറക്കൽ രജീഷി(22)ന്‍റെ മൃതദേഹം ഇന്നലെ രാത്രി കണ്ടെത്തിയിരുന്നു. തിരിച്ചറിയാതിരുന്ന മറ്റൊരു മൃതദേഹം കുന്നുമ്മൽ സ്വദേശി ഷൈനി(19)ന്‍റേതാണെന്ന് തിരിച്ചറിഞ്ഞു.ഇത് കൂടാതെ മറ്റൊരു മൃതദേഹവും കണ്ടെത്തിയിട്ടുണ്ട്. ഇത് ആരുടേതാണെന്ന് തിരിച്ചറിഞ്ഞിട്ടില്ല.

കാണാതായവർക്കായി തിരച്ചിൽ പുരോഗമിക്കുകയാണ്. അപകടത്തിൽ മരിച്ചവരുടെ പോസ്റ്റ്‍മോർട്ടം കുറ്റ്യാടി താലൂക്ക് ആശുപത്രിയില്‍ വെച്ച് തന്നെ നടത്തുമെന്ന് മന്ത്രി എ.കെ ശശീന്ദ്രന്‍ പറഞ്ഞു. ജില്ലയിൽ തന്നെയുണ്ടായിരുന്ന മൂന്നു മന്ത്രിമാർ രാത്രി തന്നെ സംഭവ സ്ഥലത്തെത്തി.