കരിപ്പൂർ: കോവിഡ് 19 രോഗബാധ ഭീതിയെ തുടർന്ന് കരിപ്പൂരിൽ നിന്നുള്ള വിമാനം കുവൈറ്റ് റദ്ദാക്കി. ഇന്ത്യയടക്കം ഏഴ് രാജ്യങ്ങളിൽ നിന്നുള്ള വിമാനങ്ങളാണ് കുവൈറ്റ് വിലക്കിയത്. ഒരാഴ്ചത്തേക്കാണ് കുവൈറ്റ് വിമാനങ്ങൾക്ക് വിലക്കേർപ്പെടുത്തിയിരിക്കുന്നത്.
കരിപ്പൂരിൽ നിന്ന് രാവിലെ പുറപ്പെടേണ്ട കുവൈറ്റ് വിമാനം റദ്ദാക്കിയതിനെ തുടർന്ന് വിമാനത്താവളത്തിലെത്തിയ യാത്രക്കാരെ തിരിച്ചയച്ചു. തായ്ലൻഡ്, മലേഷ്യ എന്നീ രാജ്യങ്ങൾ സന്ദർശിച്ച് മടങ്ങിയെത്തിയ 25 വയസുകാരന് കോവിഡ് ബാധ സ്ഥിരീകരിച്ചതിനെ തുടർന്ന് ഇണയിൽ രോഗം ബാധിച്ചവരുടെ എണ്ണം 31 ആയി ഉയർന്നു. ഇറ്റലിയിൽ നിന്ന് അമൃത്സറിലെത്തിയ 13 പേരെ ഹോട്ടൽമുറികളിൽ തന്നെ പാർപ്പിച്ചിരിക്കുകയാണ്. ഭൂട്ടാനിലെ ഇന്നലെ ഒരു യുഎസ് സഞ്ചാരിക്ക് രോഗം സ്ഥിരീകരിച്ചിരുന്നു.
Also Read: പാലക്കാട് ജില്ലയിൽ ഇന്ന് സ്വകാര്യ ബസ് പണിമുടക്ക്
യുഎസ് സഞ്ചാരി ഇന്ത്യയിൽ പത്ത് ദിവസത്തോളം സഞ്ചരിച്ചിരുന്നതായി കണ്ടെത്തിയിട്ടുണ്ട്. ലോകത്തെമ്പാടും കൊറോണ വൈറസ് ബാധിതരുടെ എണ്ണം ഒരു ലക്ഷം കടന്നു. ഇതുവരെ 101,622 പേർക്ക് കോവിഡ് ബാധ സ്ഥിരീകർക്കുകയും ചെയ്തു. ചൈനയിൽ രോഗം ബാധിച്ച് മരിച്ചവരുടെ എണ്ണം 3000 കടന്നു. ചൈനക്ക് പുറത്ത് ഏറ്റവും കൂടുതൽ രോഗം ബാധിച്ചത് ഇറ്റലിയിലാണ്. 197 ഇറ്റലിയിൽ ഇതിനോടകം മരിച്ചു.
Also Read: പട്ടാപ്പകല് വീട്ടില് ഉറങ്ങിക്കിടന്ന ഒരു വയസുകാരനെ തട്ടിക്കൊണ്ടുപോകാന് ശ്രമം, അമ്മയ്ക്ക് നേരെ മുളകുപൊടിയെറിഞ്ഞു
ഇറാനിൽ 4747 പേർക്ക് രോഗം ബാധിക്കുകയും 124 പേർ മരിക്കുകയും ചെയ്തു. 42 പേരാണ് ദക്ഷിണ കൊറിയയിൽ രോഗം ബാധിച്ച് മരിച്ചത്. 6593 പേർക്കാണ് അവിടെ രോഗം സ്ഥിരീകരിച്ചിട്ടുള്ളത്. ഇറ്റലിയിൽ മരണസംഖ്യ ഇനിയും ഉയരുമെന്ന് റിപ്പോർട്ടുകൾ സൂചിപ്പിക്കുന്നു. വൈറസ് ഭീതിയുടെ സാഹചര്യത്തിൽ വാഷിങ്ടണിൽ ആമസോൺ, മൈക്രോസോഫ്റ്റ്, ഫേസ്ബുക്ക് എന്നീ പ്രമുഖ കമ്പനികൾ ജീവനക്കാരോട് വീട്ടിൽ നിന്ന് ജോലി ചെയ്യാൻ നിർദ്ദേശം നൽകിയിട്ടുണ്ട്.