തോമസ് ചാണ്ടിക്ക് വേണ്ടി കേസ് വാദിക്കുന്നത് കോണ്‍ഗ്രസ് എംപി

തിരുവനന്തപുരം: കായൽ കൈയ്യേറ്റ വിഷയത്തിൽ മന്ത്രി തോമസ് ചാണ്ടിക്കായി ഹൈക്കോടതിയില്‍ ഹാജരാകാന്‍ കോണ്‍ഗ്രസ് എം.പിയും അഭിഭാഷകനുമായ വിവേക് തന്‍ഖ. സുപ്രീം കോടതിയിലെ മുതിര്‍ന്ന അഭിഭാഷകനാണ് ഇദ്ദേഹം.

കേസില്‍ ഹാജരാകാന്‍ തന്‍ഖ കേരളത്തിലെത്തി. ചൊവ്വാഴ്ചയാണ് ഹൈക്കോടതി കേസ് പരിഗണിക്കുന്നത്. മധ്യപ്രദേശില്‍ നിന്നുള്ള കോണ്‍ഗ്രസിന്‍റെ രാജ്യസഭ എം.പിയാണ് തന്‍ഖ. അതേസമയം, കേസില്‍ കോണ്‍ഗ്രസ് എം.പി ഹാജരാകുന്നതിനെ മുതിര്‍ന്ന നേതാവ് വി.എം സുധീരന്‍ വിമര്‍ശിച്ചു. കോണ്‍ഗ്രസ് എം.പി കുറച്ചുകൂടെ ഔചിത്യം പാലിക്കണമെന്നായിരുന്നു സുധീരൻെറ പ്രതികരണം.