സംസ്ഥാനത്ത് ഇന്ന് 13 ഹോട്ട് സ്‌പോട്ടുകൾ കൂടി
സംസ്ഥാനത്താകെ 565 ഹോട്ട് സ്‌പോട്ടുകളാണ് നിലവിലുള്ളത്. ഇന്ന് പുതിയതായി 13 പ്രദേശങ്ങളെ കൂടി പട്ടികയിൽ ഉൾപ്പെടുത്തി. എറണാകുളം ജില്ലയിലെ ആവോലി (കണ്ടൈന്‍മെന്റ് സോണ്‍ വാര്‍ഡ് 4), കാലടി (14), പൂത്രിക (14), കാഞ്ഞൂര്‍ (8), അയ്യമ്പുഴ (9), കൊല്ലം ജില്ലയിലെ പവിത്രേശ്വരം (18), പത്തനാപുരം (2,3), തൃശൂര്‍ ജില്ലയിലെ എളവള്ളി (12), വരവൂര്‍ (5), ഇടുക്കി ജില്ലയിലെ കട്ടപ്പന (സബ് വാര്‍ഡ് 8, 13) വണ്ടിപ്പെരിയാര്‍ (സബ് വാര്‍ഡ് 2), പത്തനംതിട്ട ജില്ലയിലെ ഏഴംകുളം (5), മലപ്പുറം ജില്ലയിലെ പോത്തുകല്ല് (1, 7, 8, 11, 17) എന്നിവയാണ് പുതിയ ഹോട്ട് സ്‌പോട്ടുകള്‍.
പട്ടികയിൽ നിന്നും ഒഴിവാക്കിയ പ്രദേശങ്ങൾ
13 പ്രദേശങ്ങളെ ഹോട്ട് സ്‌പോട്ട് പട്ടികയിൽ ഉൾപ്പെടുത്തിയപ്പോൾ 18 ഇടങ്ങളെ ഒഴിവാക്കി. തൃശൂര്‍ ജില്ലയിലെ മാള (സബ് വാര്‍ഡ് 20), അളഗപ്പനഗര്‍ (വാര്‍ഡ് 2), തെക്കുംകര (1), കാട്ടക്കാമ്പല്‍ (1, 5, 7), കോഴിക്കോട് ജില്ലയിലെ വേളം (8, 9), മേപ്പയൂര്‍ (എല്ലാ വാര്‍ഡുകളും), പനങ്ങാട് (13), കൂത്താളി (5), ഇടുക്കി ജില്ലയിലെ മൂന്നാര്‍ (19), തൊടുപുഴ മുന്‍സിപ്പാലിറ്റി (സബ് വാര്‍ഡ് (21, 23), ചക്കുപള്ളം (11), എറണാകുളം ജില്ലയിലെ പാറക്കടവ് (സബ് വാര്‍ഡ് 5), കിഴക്കമ്പലം (7), ചിറ്റാറ്റുകര (7), കൊല്ലം ജില്ലയിലെ ശൂരനാട് സൗത്ത് (11), വയനാട് ജില്ലയിലെ കല്‍പ്പറ്റ മുന്‍സിപ്പാലിറ്റി (എല്ലാ വാര്‍ഡുകളും), മലപ്പുറം ജില്ലയിലെ വണ്ടൂര്‍ (9, 10, 11, 12), കോട്ടയം ജില്ലയിലെ പായിപ്പാട് (11) എന്നീ പ്രദേശങ്ങളെയാണ് കണ്ടൈന്‍മെന്റ് സോണില്‍ നിന്നും ഒഴിവാക്കിയത്.
സമ്പർക്കത്തിലൂടെയുള്ള കൊവിഡ് കേസുകൾ
സംസ്ഥാനത്ത് സമ്പർക്കത്തിലൂടെയുള്ള കേസുകൾ വർധിക്കുകയാണ്. ഇന്ന് 1758 കൊവിഡ് കേസുകൾ സ്ഥിരീകരിച്ചപ്പോൾ 1641 പേര്‍ക്ക് സമ്പര്‍ക്കത്തിലൂടെയാണ് രോഗബാധയുണ്ടായത്. അതില്‍ 81 പേരുടെ സമ്പര്‍ക്ക ഉറവിടം വ്യക്തമല്ല. തിരുവനന്തപുരം 476, മലപ്പുറം 220, എറണാകുളം 173, കോഴിക്കോട് 146, ആലപ്പുഴ117, കണ്ണൂര്‍ 111, കൊല്ലം, കോട്ടയം ജില്ലകളിലെ 86, പത്തനംതിട്ട 52, പാലക്കാട് 51, വയനാട് 44, തൃശൂര്‍ 42, കാസര്‍കോട് 40, ഇടുക്കി ജില്ലയിലെ 4 പേര്‍ക്കുമാണ് ഇന്ന് സമ്പര്‍ക്കത്തിലൂടെ രോഗം ബാധിച്ചത്.
ഇന്നത്തെ കൊവിഡ് കണക്കുകൾ
തിരുവനന്തപുരം ജില്ലയിലാണ് ഇന്നും കൂടുതൽ കൊവിഡ് പോസിറ്റീവ് (489) കേസുകൾ സ്ഥിരീകരിച്ചത്. എറണാകുളം 192, കോഴിക്കോട് 147, ആലപ്പുഴ 126, കണ്ണൂര്‍ 123, കോട്ടയം 93, കൊല്ലം 88, പത്തനംതിട്ട 65, പാലക്കാട് 51, തൃശൂര്‍ 48, വയനാട് 47, കാസര്‍കോട് 42, ഇടുക്കി ജില്ലയില്‍ നിന്നുള്ള 5 പേര്‍ക്കുമാണ് ഇന്ന് രോഗ ബാധ സ്ഥിരീകരിച്ചത്. 1365 പേർക്ക് ഇന്ന് രോഗമുക്തിയുണ്ടായി. തിരുവനന്തപുരം 310, കൊല്ലം 54, പത്തനംതിട്ട 29, ആലപ്പുഴ 65, കോട്ടയം 48, ഇടുക്കി 59, എറണാകുളം 64, തൃശൂര്‍ 33, പലക്കാട് 82, മലപ്പുറം194, കോഴിക്കോട് 195, വയനാട് 46, കണ്ണൂര്‍ 61, കാസര്‍ഗോഡ് 125 പേരുടെയും പരിശോധനാ ഫലമാണ് ഇന്ന് നെഗറ്റിവായത്.