എല്‍ഡിഎഫ് സ്ഥാനാര്‍ത്ഥിപ്പട്ടിക: ആദ്യഘട്ട പ്രഖ്യാപനമായി

തിരുവനന്തപുരം: എല്‍ഡിഎഫിന്‍റെ സ്ഥാനാര്‍ത്ഥി പട്ടിക പ്രഖ്യാപിച്ചു. എല്‍ഡിഎഫ് കണവീനര്‍ വൈക്കം വിശ്വനാണ് പട്ടിക പ്രഖ്യാപനം നടത്തിയിരിക്കുന്നത്. 124 സ്ഥാനാര്‍ത്ഥികളുടെ പേരാണ് പ്രസിദ്ധീകരിച്ചിരിക്കുന്നത്. 16 പേരെ പിന്നീട് പ്രഖ്യാപിക്കും.

സിപിഐയുടെ 26, സിപിഎമ്മിന്‍റെ 90, 8 ഘടക കക്ഷികൾ എന്നിവ ഉൾപ്പെടുന്ന പട്ടികയാണ് പ്രസിദ്ധീകരിച്ചിരിക്കുന്നത്.

സ്ഥാനാര്‍ത്ഥി പട്ടിക: (പ്രസക്ത ഭാഗങ്ങൾ)

*വി.എസ്.അച്യുതാനന്ദൻ (മലമ്പുഴ)

*പിണറായി വിജയൻ (ധർമ്മടം)

*മുകേഷ് (കൊല്ലം)

*വീണാ ജോർജ് (ആറന്മുള)

*ഇ.പി.ജയരാജൻ (മട്ടന്നൂർ)

*എം.വി.നികേഷ് കുമാർ (അഴീക്കോട്)

*കെ.ടി. ജോസ് (ഇരിക്കൂർ)

*കെ.ബി. ഗണേഷ്കുമാര്‍ (പത്തനാപുരം)

യുഡിഎഫ് സര്‍ക്കാരിനെ നിശിതമായി വിമര്‍ശിച്ചാണ് വൈക്കം വിശ്വന്‍ പട്ടിക പ്രസിദ്ധീകരിച്ചത്. സംസ്ഥാനത്ത് മന്ത്രിമാര്‍ മത്സരിച്ച് അഴിമതി നടത്തുകയാണ്. അഴിമതി നടത്തിയതിന് ഒരു മന്ത്രിതന്നെ പുറത്തായി. ഓരോ മന്ത്രിയും ഓരോ കേസില്‍ അഴിമതിക്കാരാണെന്നും അദ്ദേഹം പറഞ്ഞു. യുഡിഎഫ് വര്‍ഗീയതയ്ക്ക് പരവതാനി വിരിക്കുകയാണെന്നും മതനിരപേക്ഷതയ്ക്ക് പേര് കേട്ട് കേരളത്തില്‍ അത് അനുവദിക്കാനാവില്ലെന്നും വിശ്വന്‍ പറഞ്ഞു. സ്ഥാനാര്‍ത്ഥി പട്ടികയില്‍ യുവജന മഹിളാ വിദ്യാര്‍ത്ഥി രംഗങ്ങളിലും ശ്രദ്ധ നല്‍കിയിട്ടുണ്ടെന്നാണ് അദ്ദേഹം പറഞ്ഞത്.