മലപ്പുറം: കേരളത്തിലെ ഭൂരിപക്ഷം സീറ്റുകളിലും ഇടതുപക്ഷം തോറ്റതുകൊണ്ട് താൻ മാത്രം രാജിവെയ്ക്കേണ്ടതില്ലെന്ന് പിവി അൻവർ എംഎൽഎ. പൊന്നാനിയിൽ തോറ്റാൽ രാജിവെയ്ക്കുമെന്ന വാക്ക് അൻവർ പാലിക്കണമെന്ന ഇടി മുഹമ്മദ് ബഷീർ എംപിയുടെ പ്രസ്താവനയോട് പ്രതികരിക്കുകയായിരുന്നു അൻവർ. സംസ്ഥാനത്ത് കൂട്ട തോൽവി ഉണ്ടായതിനാൽ രാജിവെയ്ക്കേണ്ട ധാർമ്മിക ഉത്തരവാദിത്വം തനിക്കില്ലെന്ന് അൻവർ വ്യക്തമാക്കി. അമേഠിയിൽ രാഹുൽ ഗാന്ധിക്കുണ്ടായ പരാജയവുമായി താരതമ്യം ചെയ്യുമ്പോൾ തന്റെ തോൽവി നിസാരമാണ്. വോട്ടിനായി നട്ടെല്ല് പണയംവെച്ച് വർഗീയ ശക്തികൾക്കു പിന്നാലെ താൻ പോയിട്ടില്ലെന്നും അൻവർ കഴിഞ്ഞ ദിവസം പറഞ്ഞിരുന്നു.
കെ ടി ജലീലിനൊപ്പം റോഡ്ഷോ നടത്തുന്നതിനിടെയാണ് പൊന്നാനിയിൽ തോറ്റാൽ താൻ രാജിവെയ്ക്കുമെന്ന് അൻവർ പ്രഖ്യാപിച്ചത്.
കെ ടി ജലീലിനൊപ്പം റോഡ്ഷോ നടത്തുന്നതിനിടെയാണ് പൊന്നാനിയിൽ തോറ്റാൽ താൻ രാജിവെയ്ക്കുമെന്ന് അൻവർ പ്രഖ്യാപിച്ചത്.