ജേക്കബ് തോമസിന് നൽകാനുള്ള ശമ്പളം അനുവദിച്ചു; ലഭിക്കുക 40.88 ലക്ഷം
വിരമിച്ച് ഏഴ് മാസം പിന്നിടുമ്പോഴാണ് ജേക്കബ് തോമസിന്റെ ശമ്പളം അനുവദിച്ചിരിക്കുന്നത്. മെറ്റൽ ഇൻഡസ്ട്രീസ് നഷ്ടത്തിൽ പ്രവർത്തിക്കുന്നതിനാലാണ് ശമ്പളം വൈകിയതെന്നാണ് സർക്കാരിന്റെ വിശദീകരണം.
Samayam Malayalam 25 Jan 2021, 4:54 pm
ഹൈലൈറ്റ്:
- ലഭിക്കുക 40.88 ലക്ഷം
- ശമ്പളവും ആനുകൂല്യവും ലഭിക്കും
- വിരമിച്ച് ഏഴ് മാസം പിന്നിടുമ്പോഴാണ് ശമ്പളം
തിരുവനന്തപുരം: റിട്ട ഡിജിപി ജേക്കബ് തോമസിനു നൽകാനുള്ള ശമ്പളം അനുവദിച്ചു. ശമ്പളവും ആനുകൂല്യങ്ങളും നൽകാനാണ് സർക്കാർ തീരുമാനിച്ചത്. മെറ്റൽ ഇൻഡസ്ട്രീസ് ലിമിറ്റഡ് മാനേജിങ് ഡയറക്ടറായിരുന്ന ജേക്കബ് തോമസിന് കമ്പനിയുടെ മോശം സാമ്പത്തിക സ്ഥിതി മൂലം ശമ്പളം നൽകാൻ സാധിച്ചില്ലെന്നാണ് സർക്കാരിന്റെ വിശദീകരണം. ശമ്പളവും ആനുകൂല്യങ്ങളും അടക്കം 40,88,000 രൂപയാണ് അനുവദിച്ചത്. വിരമിച്ച് ഏഴ് മാസം പിന്നിടുമ്പോഴാണ് സര്ക്കാര് തുക അനുവദിച്ചിരിക്കുന്നത്, മനോരമ റിപ്പോര്ട്ട് ചെയ്തു. വിജിലൻസ് ഡയറക്ടറായിരിക്കെ ഒന്നര വര്ഷം സസ്പെൻഷനിലായ ജേക്കബ് തോമസ് അഡ്മിനിസ്ട്രേറ്റീവ് ട്രിബ്യൂണലിന്റെ ഉത്തരവോടെ സര്വ്വീസിൽ തിരിച്ചെത്തിയപ്പോഴാണ് മെറ്റൽ ഇൻഡസ്ട്രീസിന്റെ മാനേജിങ് ജയറക്ടറായി നിയമിച്ചത്. സംസ്ഥാനത്തെ ഏറ്റവും മുതിര്ന്ന ഡിജിപിയായതിനാൽ മെറ്റൽ ഇൻഡസ്ട്രീസിന്റെ എംഡിയുടെ തസ്തിക വിജിലൻസ് മേധാവിയുടെ പദവിക്കു തുല്യമാക്കിയായിരുന്നു നിയമനം.
മുതിര്ന്ന ഡിജിപിയായതിനാൽ കേഡര് തിസ്തികയായ സംസ്ഥാന പോലീസ് മേധാവി, വിജിലൻസ് ഡയറക്ടര് തുടങ്ങിയ തസ്ഥികയിലേതെങ്കിലുമൊന്നിൽ നിയമിക്കണമെന്നായിരുന്നു ജേക്കബ് തോമസിന്റെ ആവശ്യം. എന്നാൽ വിജിലൻസ് അന്വേഷണവും കേസും ഉള്ളതിനാൽ ഈ ആവശ്യം സര്ക്കാര് തള്ളുകയായിരുന്നു.
മുതിര്ന്ന ഡിജിപിയായതിനാൽ കേഡര് തിസ്തികയായ സംസ്ഥാന പോലീസ് മേധാവി, വിജിലൻസ് ഡയറക്ടര് തുടങ്ങിയ തസ്ഥികയിലേതെങ്കിലുമൊന്നിൽ നിയമിക്കണമെന്നായിരുന്നു ജേക്കബ് തോമസിന്റെ ആവശ്യം. എന്നാൽ വിജിലൻസ് അന്വേഷണവും കേസും ഉള്ളതിനാൽ ഈ ആവശ്യം സര്ക്കാര് തള്ളുകയായിരുന്നു.