തിരുവനന്തപുരം: സിപിഎം പി ബി അംഗം പിണറായി വിജയന്റെ നേതൃത്വത്തിലുള്ള മന്ത്രിസഭ ഇന്ന് സത്യപ്രതിജ്ഞ ചെയ്ത് അധികാരമേൽക്കും. 19 അംഗ മന്ത്രിസഭ വൈകിട്ട് നാലുമണിയോടെയാണ് സത്യപ്രതിജ്ഞ ചെയ്യുക. ഗവർണർ പി സദാശിവം സത്യവാചകം ചൊല്ലിക്കൊടുക്കും. ചടങ്ങുകൾക്കായി തിരുവനന്തപുരത്ത് സെക്രട്ടേറിയറ്റിനോട് ചേർന്ന് മുപ്പതിനായിരം പേർക്ക് ഇരിക്കാവുന്ന വേദി തയ്യാറായിട്ടുണ്ട്. ചടങ്ങിൽ പങ്കെടുക്കാൻ ആഗ്രഹിക്കുന്നവർ മൂന്നരയ്ക്കകം സ്റ്റേഡിയത്തിൽ പ്രവേശിക്കണമെന്ന് ചീഫ് സെക്രട്ടറി എസ് എം വിജയാനന്ദ് അറിയിച്ചു.
3.50ന് പിണറായിയും മന്ത്രിമാരും വേദിയിലെത്തും. ചീഫ് സെക്രട്ടറി ഇവരെ സ്വീകരിക്കും. 3.55ന് ഗവർണർ വേദിയിൽ പ്രവേശിക്കും. തുടർന്ന് ദേശീയഗാനാലാപനവും സത്യപ്രതിജ്ഞാ ചടങ്ങുകളും നടക്കും. രാജ്ഭവനിൽ ഗവർണറുടെ ചായസൽക്കാരവും തുടർന്ന് ആദ്യമന്ത്രിസഭാ യോഗവും ചേരും.
3.50ന് പിണറായിയും മന്ത്രിമാരും വേദിയിലെത്തും. ചീഫ് സെക്രട്ടറി ഇവരെ സ്വീകരിക്കും. 3.55ന് ഗവർണർ വേദിയിൽ പ്രവേശിക്കും. തുടർന്ന് ദേശീയഗാനാലാപനവും സത്യപ്രതിജ്ഞാ ചടങ്ങുകളും നടക്കും. രാജ്ഭവനിൽ ഗവർണറുടെ ചായസൽക്കാരവും തുടർന്ന് ആദ്യമന്ത്രിസഭാ യോഗവും ചേരും.