മാണിയുമായുളള സഹകരണം കേരളാ നേതൃത്വം തീരുമാനമെടുക്കും: യെച്ചൂരി

തിരുവനന്തപുരം: കെ എം മാണിയുടെ കേരളാ കോണ്‍ഗ്രസുമായുള്ള സഹകരണം സംബന്ധിച്ച് എല്‍ഡിഎഫ് നേതാക്കള്‍ തീരുമാനം എടുക്കുമെന്ന് സിപിഎം ദേശീയ ജനറല്‍ സെക്രട്ടറി സീതാറാം യെച്ചൂരി

ബിജെപിക്കെതിരെ പ്രവര്‍ത്തിക്കാന്‍ മതേതര പാര്‍ട്ടികളുടെ വോട്ടുകള്‍ ഏകീകരിക്കും. ദേശീയ തലത്തില്‍ ബിജെപിയെ എതിര്‍ക്കാന്‍ മറ്റൊരു മുന്നണിയുമായി സഹകരിക്കുന്നതില്‍ തെററില്ലെന്നാണ് സിപിഎമ്മിന്‍റെ തീരുമാനം.

എന്നാല്‍, ദേശീയ തലത്തില്‍ കോണ്‍ഗ്രസുമായി സഹകരിക്കുന്ന കാര്യത്തില്‍ തീരുമാനം കൈക്കൊണ്ടിട്ടില്ലെന്നും യെച്ചൂരി അറിയിച്ചു. ഹൈദരാബാദില്‍ നടക്കുന്ന പാര്‍ട്ടി കോണ്‍ഗ്രസില്‍ ഇക്കാര്യം ചര്‍ച്ചയാകുമെന്നും അന്തിമ തീരുമാനം അപ്പോള്‍ കൈക്കൊള്ളുമെന്നും അദ്ദേഹം കൂട്ടിച്ചേര്‍ത്തു.