മന്ത്രിസഭ; സ്പീക്കറും സിപിഎം മന്ത്രിമാരുമായി

മൂന്ന് മുന്‍ മന്ത്രിമാരെയും എട്ട് പുതുമുഖങ്ങളേയും രണ്ട് വനിതകളേയും ഉള്‍പ്പെടുത്തി സിപിഎം മന്ത്രി പട്ടികയായി. പൊന്നാനി എം.എൽ.എ, പി.ശ്രീരാമകൃഷ്ണന്‍ സ്പീക്കറാകും. തോമസ് ഐസക്ക്, ജി സുധാകരന്‍, ഇ.പി ജയരാജന്‍, കെ.കെ ശൈലജ, എ.കെ ബാലൻ, ജെ.മേഴ്സിക്കുട്ടിയമ്മ, ടി.പി രാമകൃഷ്ണൻ, കടകംപള്ളി സുരേന്ദ്രന്‍, കെ.ടി ജലീല്‍, എ.സി മൊയ്തീന്‍, സി.രവീന്ദ്രനാഥ് എന്നിവരാണ് മന്ത്രി പട്ടികയില്‍ ഇടം നേടിയിട്ടുള്ളതെന്നാണ് പ്രാഥമിക വിവരം. വകുപ്പുകള്‍ സംബന്ധിച്ചും ഏകദേശ ധാരണയായിട്ടുണ്ട്. അന്തിമ തീരുമാനം ഇന്ന് വൈകുന്നേരത്തോടെ ഉണ്ടാകും. സുരേഷ് കുറുപ്പിന്‍റെ പേര് അവസാന നിമിഷം ഉയര്‍ന്നുകേട്ടുവെങ്കിലും പട്ടികയില്‍ ഉള്‍പ്പെടുത്തിയിട്ടില്ലെന്നാണ് റിപ്പോര്‍ട്ട്. എം.എം മണിയേയും എസ്.ശർമ്മയേയും ഒഴിവാക്കി.