തെരുവുനായ്ക്കളെ കൊല്ലുന്നവർക്ക് നിയമസഹായം: ചിറ്റിലപ്പിളളി

കൊച്ചി: നായ്‍ക്കളോട് മാത്രം സ്നേഹം കാണിക്കുന്നവരുടെ നടപടികൾ ദുരൂഹമാണെന്ന്‌ കൊച്ചൗസേപ്പ് ചിറ്റിലപ്പിളളി.തെരുവുനായ്ക്കളെ കൊല്ലാൻ മുന്നിട്ടിറങ്ങുന്നവർക്ക് നിയമസഹായം നൽകുമെന്നും അദ്ദേഹം പറഞ്ഞു. നായ്ക്കളെ വന്ധ്യംകരിക്കാൻ ആകുന്ന സമയം അതിക്രമിച്ചിരിക്കുന്നു ഇനി അവയെ നശിപ്പിക്കുകയല്ലാതെ മറ്റു മാർഗങ്ങളില്ല എന്നും അദ്ദേഹം കൂട്ടിച്ചേർത്തു.

ഒരു തെരുവുനായയെ കൊന്നാൽ പരമാവധി 50 രൂപയാണ് പിഴ.കേരളത്തിൽ ആകെയുള്ളത് രണ്ടേമുക്കാൽ ലക്ഷം തെരുവുനായ്കളാണ് എന്നാണ് ഔദ്യോഗിക കണക്ക്.ഈ പിഴകളെല്ലാം കൂട്ടിയാൽ ഒന്നേമുക്കാൽ കോടിയാണ് ആകെ വരിക.കേരളത്തിലെ യുവജന സമൂഹം വിചാരിച്ചാൽ ഒറ്റ ദിവസം കൊണ്ട് തെരുവുനായ് ശല്യം പരിഹരിക്കാവുന്നതേ ഉള്ളൂ എന്ന് ചിറ്റിലപ്പിള്ളി പറഞ്ഞു.