ലൈഫ് മിഷൻ ക്രമക്കേടിൽ സിബിഐ കേസെടുത്തു

കൊച്ചി: ലൈഫ് മിഷൻ ക്രമക്കേടിൽ സിബിഐ കേസ് രജിസ്റ്റർ ചെയ്തു. കേസിൽ ആരെയും പ്രതിചേർത്തിട്ടില്ല. കൊച്ചിയിലെ ആന്റി കറപ്ഷൻ യൂണിറ്റാണ് ലൈഫ് മിഷൻ ഇടപാടുമായി ബന്ധപ്പെട്ട വിദേശനാണ്യ വിനിമയ ചട്ടലംഘനത്തിൽ കേസെടുത്തിരിക്കുന്നത്. വിദേശത്തു നിന്നും വന്ന പണം ഉദ്ദേശത്തിനു വിരുദ്ധമായി ചെലവഴിച്ചെന്ന ആരോപണത്തിന്മേലാണ് കേസ്, മാതൃഭൂമി റിപ്പോർട്ട് ചെയ്തു.

Also Read: 'ഓരോ ഗാനത്തിനും തന്‍റേതായ കയ്യൊപ്പ് ചാര്‍ത്തിയ പ്രതിഭ'

കേസിൽ കൊച്ചിയിലെ സിബിഐ കോടതിയിൽ എഫ്ഐആർ സമർപ്പിച്ചു. വിഷയത്തിൽ കൂടുതൽ അന്വേഷണം നടത്തേണ്ടതുണ്ടെന്നാണ് സിബിഐ വ്യക്തമാക്കിയിരിക്കുന്നത്. ലൈഫ് മിഷൻ പദ്ധതിയുമായി ബന്ധപ്പെട്ട് ക്രമക്കേട് നടന്നതായി അനിൽ അക്കര എംഎൽഎയാണ് സിബിഐക്ക് പരാതി സമർപ്പിച്ചത്. റെഡ്ക്രസന്റുമായുള്ള കരാർ നിയമവിരുദ്ധമാണെന്നും പരാതിയിൽ ആരോപിക്കുന്നു.

Also Read: രമേശ് ചെന്നിത്തലയുടെ പേഴ്‌സണല്‍ സ്റ്റാഫ് അംഗത്തിന് കൊവിഡ്

ലൈഫ് മിഷൻ പദ്ധതിയിൽ ക്രമക്കേട് നടന്നുവെന്ന് ആരോപണം ഉയർന്നതിനെത്തുടർന്ന് വിജിലൻസ് അന്വേഷണം ആരംഭിച്ചിരുന്നു. എന്നാൽ വിജിലൻസ് അന്വേഷണമല്ല സിബിഐ അന്വേഷണമാണ് വേണ്ടതെന്നാണ് പ്രതിപക്ഷത്തിന്റെ ആവശ്യം.