ന്യൂഡൽഹി: ലോക്സഭാ തെരഞ്ഞെടുപ്പിനുള്ള കോൺഗ്രസ് സ്ഥാനാർഥികളുടെ നാളെ പ്രഖ്യാപിക്കുമെന്ന് രമേശ് ചെന്നിത്തല. ആർഎംപിയുമായി ഇത് വരെ ഔദ്യോഗിക ചർച്ചകൾ ഒന്നും നടത്തിയിട്ടില്ല. പട്ടികയുടെ കാര്യത്തിൽ അന്തിമ തീരുമാനം എടുക്കുന്നത് ഹൈക്കമാൻഡ് ആണെന്നും പ്രതിപക്ഷ നേതാവ് വ്യക്തമാക്കി. പി.ജെ ജോസഫിന് യുഡിഎഫ് സീറ്റ് നൽകുമെന്ന് പറഞ്ഞിട്ടില്ലെന്ന് രമേശ് ചെന്നിത്തല കെപിസിസി പ്രസിഡന്റ് മുല്ലപ്പള്ളി രാമചന്ദ്രനൊപ്പം നടത്തിയ വാർത്താ സമ്മേളനത്തിൽ പറഞ്ഞു. ഡൽഹിയിൽ ഇന്ന് കേരളത്തിലെ സീറ്റുകളിൽ ധാരണയുണ്ടാക്കാനായി സ്റ്റിയറിങ് കമ്മിറ്റി ചേരും. കോൺഗ്രസ് എംഎൽഎമാർക്കെതിരെ ലൈംഗിക പീഡനക്കേസ് ഉയർത്തുന്നത് രാഷ്ട്രീയപ്രേരിതമാണെന്ന് രമേശ് ചെന്നിത്തല ആരോപിച്ചു.
സ്റ്റിയറിങ് കമ്മിറ്റി ചർച്ച നടത്താനായി കെ.വി തോമസിനെ ഡൽഹിക്ക് വിളിപ്പിച്ചു. കോൺഗ്രസിന്റെ സീറ്റുകൾ ഘടക കക്ഷികൾക്ക് വിട്ടു കൊടുക്കില്ലെന്നും മുല്ലപ്പള്ളി രാമചന്ദ്രൻ വാർത്താസമ്മേളനത്തിൽ പറഞ്ഞു.
സ്റ്റിയറിങ് കമ്മിറ്റി ചർച്ച നടത്താനായി കെ.വി തോമസിനെ ഡൽഹിക്ക് വിളിപ്പിച്ചു. കോൺഗ്രസിന്റെ സീറ്റുകൾ ഘടക കക്ഷികൾക്ക് വിട്ടു കൊടുക്കില്ലെന്നും മുല്ലപ്പള്ളി രാമചന്ദ്രൻ വാർത്താസമ്മേളനത്തിൽ പറഞ്ഞു.