നിയന്ത്രണം വിട്ട് മറിഞ്ഞ ലോറി ബസിൽ ഇടിച്ചു

തൃശൂർ: ഷൊർണൂർ- തൃശൂർ റൂട്ടിൽ നിയന്ത്രണം വിട്ട് മറിഞ്ഞ ലോറി എതിരെ വന്ന കോളേജ് ബസിൽ ഇടിച്ചു. വടക്കാഞ്ചേരി ഉത്രാളിക്കാവിന് സമീപം രാവിലെ എട്ടരക്കാണ് സംഭവം. അപകടത്തിൽ പരിക്കേറ്റ ഡ്രൈവർമാരെ ആശുപത്രിയിൽ പ്രവേശിപ്പിച്ചു.

മെറ്റലുമായി പോകുകയായിരുന്ന ലോറി മറിയുകയും തൃശൂരിൽ നിന്നും ലക്കിടിയിലേക്ക് പോകുകയായിരുന്ന നെഹ്‌റു കോളേജിന്‍റെ ബസിൽ ഇടിക്കുകയും ചെയ്യുകയായിരുന്നു. അപകടത്തെ തുടർന്ന് ഈ പ്രദേശത്ത് ഗതാഗതം തടസപ്പെട്ടിരിക്കുകയാണ്.