കീഴ്‌കോടതികൾക്ക് നട്ടെല്ലില്ലെന്ന് അഡ്വ.ബി.എ.ആളൂർ

പെരുമ്പാവൂർ: ജിഷ വധക്കേസിൽ അമീറുള്‍ ഇസ്ളാമിന് വധശിക്ഷ വിധിച്ചതിനെതിരെ രൂക്ഷമായി പ്രകരിച്ച് പ്രതിഭാഗം അഭിഭാഷകൻ ബി.എ.ആളൂർ. കീഴ്‌കോടതികൾ പ്രോസിക്യൂഷൻ വാദം മാത്രം മുഖവിലക്കെടുത്താണ് ഉത്തരവ് പുറപ്പെടുവിക്കുന്നത്. മുൻപ് സൗമ്യ വധക്കേസിലും മറ്റും ഉണ്ടായ മേൽക്കോടതി നടപടി ഏറെ ശ്രദ്ധേയമാണെന്നും ആളൂർ പ്രതികരിച്ചു. ജിഷ കേസിലെ ഏക പ്രതിയായ അമീറിന്‍റെ മേലുള്ള കുറ്റങ്ങൾ സംശായാതീതമായി തെളിയിക്കപ്പെട്ടിട്ടില്ല.

ജിഷ കേസ് അന്വേഷിച്ച സംഘത്തെയും ആളൂർ വിമർശിച്ചു. സൗമ്യ കേസിലും ജിഷ കേസിലും കൊലപാതകം നടത്തിയത് ഈ പ്രതികൾ തന്നെയാണെന്ന് ഇതേ അന്വേഷണ സംഘത്തിന് തെളിയിക്കാൻ സാധിച്ചിട്ടില്ല. പ്രോസിക്യൂഷൻ വാദം മാത്രം അംഗീകരിക്കുന്ന കീഴ്‌ക്കോടതികൾക്ക് നട്ടെല്ലില്ല എന്ന് ആളൂർ മാധ്യമങ്ങൾക്ക് മുന്നിൽ പ്രതികരിച്ചു. ഇന്ത്യയിലെ മേൽക്കോടതി വിധികളെ താൻ മാനിക്കുന്നുവെന്നും ആളൂർ കൂട്ടിച്ചേർത്തു. അമീറിന് വേണ്ടി മേൽക്കോടതിയിൽ അപ്പീൽ സമർപ്പിക്കുമെന്നും ആളൂർ അറിയിച്ചു.