അമിത് ഷാക്ക് അനുമതി നല്‍കിയത് അത്ഭുതമെന്ന് എംഎം മണി

തിരുവനന്തപുരം: കണ്ണൂര്‍ വിമാനത്താവളം ഉദ്ഘാടനം ചെയ്യുന്നതിനു മുമ്പേ യാത്രക്കാരന്‍ വന്ന് ഇറങ്ങുന്നത് അത്ഭുതകരമാണെന്ന് മന്ത്രി എംഎം മണി. ബിജെപി ദേശീയ അധ്യക്ഷന്‍ അമിത് ഷായുടെ വരവിനെ പരിഹസിച്ചുള്ള ഫേസ്ബുക്ക് പോസ്റ്റിലാണ് മന്ത്രി ഇക്കാര്യം വ്യക്തമാക്കിയത്.

വിമാനത്താവളം ഉദ്ഘാടനം ചെയ്‌ത്‌ പ്രവർത്തനം തുടങ്ങിയിട്ടില്ല. അപ്പോൾ, സർക്കാരിന്‍റെ ഔദ്യോഗിക സ്ഥാനങ്ങൾ ഒന്നും വഹിക്കാത്ത ഒരാളായിട്ടു പോലും ഉദ്ഘാടനത്തിന് മുമ്പ് അമിത് ഷായ്ക്ക് അനുമതി കൊടുത്തെങ്കിൽ അത്ഭുതകരമാണ്. ഇത്‌ ബി.ജെ.പി. ഭരണത്തിന്‍റെ കീഴിൽ നടക്കുന്ന വഴിവിട്ട കാര്യങ്ങളുടെ ചെറിയ ഉദാഹരണം മാത്രമെന്നും മന്ത്രി പോസ്റ്റില്‍ കുറിച്ചു.

Read More: സര്‍ക്കാരിനെ വലിച്ച് താഴെ ഇടാന്‍ മടിക്കില്ലെന്ന് അമിത് ഷാ

കണ്ണൂര്‍ ജില്ലാ കമ്മിറ്റി ഓഫീസായ മാരാര്‍ജി ഭവന്‍റെ ഉദ്ഘാടനത്തിനായാണ് അമിത് ഷാ ഇന്ന് രാവിലെ കണ്ണൂര്‍ അന്താരാഷ്ട്ര വിമാനത്താവളത്തിലെത്തുന്നത്. ഇതോടെയാണ് കണ്ണൂര്‍ എയര്‍പോര്‍ട്ടിൽ വിമാനമിറങ്ങുന്ന ആദ്യ വ്യക്തികൂടി അമിത് ഷായാകുന്നത്.