നയിക്കുന്നത് പിണറായി തന്നെ; പോസ്റ്ററുകളില്‍ മുഖ്യമന്ത്രിയുടെ ചിത്രത്തിന്റെ ആവശ്യമില്ലെന്ന് എം വി ഗോവിന്ദന്‍

തിരുവനന്തപുരം: തദ്ദേശ തെരഞ്ഞെടുപ്പില്‍ എല്‍ഡിഎഫിനെ നയിക്കുന്നത് മുഖ്യമന്ത്രി പിണറായി വിജയന്‍ തന്നെയാണെന്ന് സിപിഎം സംസ്ഥാന സെക്രട്ടേറിയേറ്റ് അംഗം എം വി ഗോവിന്ദന്‍. മുഖ്യമന്ത്രിയുടെയോ സാന്നിധ്യമല്ല അദ്ദേഹത്തിന്റെ ഊര്‍ജ്ജമാണ് പ്രധാനമെന്നും ഗോവിന്ദന്‍ മാസ്റ്റര്‍ പറഞ്ഞു.

Also Read: ബുറേവി ചുഴലിക്കാറ്റിന് പിന്നാലെ ബംഗാള്‍ ഉള്‍ക്കടലില്‍ പുതിയ ന്യൂനമര്‍ദം; കേരളത്തെ ബാധിക്കുമോ?

തെരഞ്ഞെടുപ്പ് പോസ്റ്ററുകളിലും ഫ്‌ളക്‌സുകളിലും മുഖ്യമന്ത്രിയുടെയോ നേതാക്കന്മാരുടെയോ ചിത്രങ്ങളുടെ ആവശ്യമില്ലെന്ന് ഗോവിന്ദന്‍ മാസ്റ്റര്‍ പറഞ്ഞു. മുഖ്യമന്ത്രിയുടെ അഡീ. പ്രൈവറ്റ് സെക്രട്ടറി സിഎന്‍ രവീന്ദ്രനെയല്ല ആരെ വേണമെങ്കിലും ചോദ്യം ചെയ്യട്ടെയെന്നും ഇ ഡി അന്വേഷണത്തെ മുഖ്യമന്ത്രി തന്നെ സ്വാഗതം ചെയ്തതാണെന്നും ഗോവിന്ദന്‍ മാസ്റ്റര്‍ പറഞ്ഞു. ഇതൊന്നും എല്‍ഡിഎഫിനെ ഒരു തരത്തിലും ബാധിക്കില്ലെന്നും എം വി ഗോവിന്ദന്‍ മാസ്റ്റര്‍ വ്യക്തമാക്കി.

Also Read: 50 വയസില്‍ താഴെയുള്ള സ്ത്രീകള്‍ക്ക് ശബരിമലയില്‍ പ്രവേശിക്കാമോ? നിര്‍ദേശങ്ങള്‍ പുതുക്കി സര്‍ക്കാര്‍

'കെഎസ്എഫ്ഇയിലെ വിജിലന്‍സ് റെയ്ഡുമായി ബന്ധപ്പെട്ട വിവാദങ്ങള്‍ അടഞ്ഞ അധ്യായമാണ്. ഇക്കാര്യത്തിലെ പാര്‍ട്ടി നിലപാട് ധനമന്ത്രി തോമസ് ഐസക് അംഗീകരിച്ചതാണ്. ഇപ്പോള്‍ സുപ്രീം കോടതി പരിഗണിക്കുന്ന ലാവലിന്‍ കേസുമായി മുഖ്യമന്ത്രിയ്ക്ക് യാതൊരു ബന്ധവുമില്ല. സുപ്രീംകോടതി ഇപ്പോള്‍ പരിഗണിക്കുന്നത് അപ്പീല്‍ മാത്രമാണ്', എംഎന്‍ ഗോവിന്ദന്‍ പറഞ്ഞു.