അയിലയ്ക്ക് 6 രൂപ; ഹോട്ടലുകളിൽ പൊരിച്ചതിന് 60 രൂപ

ഒരു അയിലയ്ക്ക് മീൻ കച്ചവടക്കാർ ഈടാക്കുന്നത് ആറുരൂപ. ഹോട്ടലുകളിൽ പൊരിച്ച അയിലയ്ക്ക് 60 രൂപ. ഇടനിലക്കാർ ലാഭം കൊയ്യുമ്പോള്‍ നഷ്ടം കടലിൽ മണിക്കൂറുകളോളം അധ്വാനിച്ച തൊഴിലാളികള്‍ക്കാണ്. വൻകിട കച്ചവടക്കാർ ലേലം ഉറപ്പിച്ച് നൽകുന്നത് 6 രൂപ മാത്രം. ലേലത്തിൽ വാങ്ങിയ മീൻ 6 രൂപയ്ക്ക് ചെറുകിട കച്ചവടക്കാർക്ക് വീതിച്ചുനൽകും. ഇത് ചന്തയിലെത്തുമ്പോള്‍ 16 രൂപയാകും.

ഇവിടെ നിന്ന് ഹോട്ടലുകാര്‍ സ്വന്തമാക്കുന്നത് 19 രൂപയ്ക്ക്. ഇത് മേശയിലെത്തിക്കുമ്പോള്‍ 60 രൂപ എണ്ണിവാങ്ങും. ഇതോടെ വൻ ലാഭ കൊയ്ത്താണ് ഹോട്ടലുകാര്‍ നടത്തുന്നത്. പാചകത്തിന് ആവശ്യമായ ചിലവ് മാത്രമേ ഹോട്ടലുകാര്‍ക്ക് വരുന്നുള്ളൂ. ഇതോടെ വൻകിടക്കാര്‍ നേടുന്നതിന്‍റെ പകുതിപോലും കടലിൽ അധ്വാനിക്കുന്നവന് ലഭിക്കുന്നില്ല. മീൻ കേടുകൂടാതെ എത്തിക്കാനുള്ള ചിലവ്, തൊഴിലാളികളുടെ കൂലി, കടത്തുകൂലി തുടങ്ങിവയാണ് ഇടനിലക്കാർക്ക് ആകെയുള്ള ചിലവ്.

Mackerel prices at 6 on market
Mackerel prices at 6 on market; 60 on fried mackerel at hotels.