മാഹിയിലെ കൊറോണ രോഗി സര്‍ക്കാര്‍ നിര്‍ദേശങ്ങള്‍ കാറ്റില്‍ പറത്തി; കോഴിക്കോട് ഓട്ടോയില്‍ സഞ്ചരിച്ചെന്ന് റിപ്പോര്‍ട്ട്

കോഴിക്കോട്: മാഹിയില്‍ കൊവിഡ് 19 സ്ഥിരീകരിച്ച രോഗി സര്‍ക്കാര്‍ നിര്‍ദേശങ്ങള്‍ കാറ്റില്‍ പറത്തി ഓട്ടോയില്‍ സഞ്ചരിച്ചെന്ന് സ്ഥിരീകരണം. ഇവര്‍ കോഴിക്കോട് ബീച്ച് ഹോസ്പിറ്റലിലാണ് ആദ്യം ചികിത്സയില്‍ കഴിഞ്ഞിരുന്നത്. എന്നാല്‍ പിന്നീട് ഇവര്‍ വാശിപിടിച്ച് ആശുപത്രി വിട്ടു. വീട്ടിലേക്ക് മടങ്ങിയ ഇവര്‍ അയല്‍ വീടുകളിലും മറ്റും സന്ദര്‍ശിച്ചിരുന്നെന്നും റിപ്പോര്‍ട്ടുണ്ട്.

Also Read: മലപ്പുറത്ത് ഉംറ തീർഥാടനം കഴിഞ്ഞ് തിരിച്ചെത്തിയവർ റിപ്പോർട്ട് ചെയ്യണമെന്ന് നിർദ്ദേശം

മാഹിയില്‍ കൊവിഡ് സ്ഥിരീകരിച്ച മലയാളിയെ മാര്‍ച്ച് 13ന് അവിടുത്തെ ആശുപത്രിയില്‍ നിന്നാണ് കോഴിക്കോട് ബീച്ച് ആശുപത്രിയിലേക്ക് ആംബുലന്‍സില്‍ എത്തിച്ചത്. എന്നാല്‍ ബീച്ച് ആശുപത്രിയില്‍ എത്തിയ ഇവര്‍ അഡ്മിറ്റാകാന്‍ വിസമ്മതിച്ചു. ബഹളമുണ്ടാക്കി തിരിച്ചുപോയ ഇവര്‍ ഓട്ടോയില്‍ റെയില്‍വേ സ്റ്റേഷനിലേയ്ക്കാണ് പോയത്. അവിടെ നിന്ന് ട്രെയിനിലും യാത്ര ചെയ്യതിരുന്നു.

Also Read: കോവിഡ് 19: തൃശൂര്‍ ജില്ലയില്‍ വന്‍ പ്രതിസന്ധി, നിത്യവരുമാനക്കാരെയും സാധാരണക്കാരേയും വ്യാപകമായി ബാധിച്ചു

പോലീസിനെ വിവരം അറിയിച്ചതിനെ തുടര്‍ന്നാണ് വീണ്ടും മാഹി ആശുപത്രിയിലെത്തിച്ചത്. ഇവര്‍ കോഴിക്കോട് സന്ദര്‍ശിച്ച സാഹചര്യത്തില്‍ റൂട്ട് മാപ്പ് ഉടന്‍ തയ്യാറാക്കുമെന്ന് കോഴിക്കോട് കലക്ടര്‍ അറിയിച്ചു. ബീച്ച് ആശുപത്രിക്ക് വീഴ്ച്ച സംഭവിച്ചോയെന്ന് പരിശോധിക്കുമെന്നും അദ്ദേഹം വ്യക്തമാക്കി.

Also Read: കൊവിഡ് 19; മദ്യ വില്‍പ്പന ശാലകളിലും നിയന്ത്രണം, ഒരേസമയം 25-30 ആളുകള്‍ പാടില്ല

മാഹി സ്വദേശിയായ 68 കാരിക്കാണ് കോവിഡ് സ്ഥിരീകരിച്ചത്. ഇപ്പോള്‍ മാഹി ജനറല്‍ ആശുപത്രിയില്‍ ചികിത്സയിലുള്ള ഇവരുടെ അവസ്ഥ ഗുരുതരമല്ലെന്നാണ് റിപ്പോര്‍ട്ടുകള്‍. സ്ഥിതിഗതികള്‍ വിലയിരുത്താന്‍ മാഹി റീജിയണല്‍ അഡ്മിനിസ്‌ട്രേറ്റര്‍ യോഗം വിളിച്ചിട്ടുണ്ട്. പുതുച്ചേരി ആരോഗ്യ മന്ത്രിയാണ് ഇക്കാര്യം അറിയിച്ചത്. ഇന്ത്യയില്‍ കൊവിഡ് ബാധ സ്ഥിരീകരിക്കുന്ന ആദ്യ കേന്ദ്ര ഭരണ പ്രദേശം കൂടിയാണ് മാഹി.