കോട്ടയം: അടിതെറ്റി ആനക്കിടയിൽ വീണ് പാപ്പാന് ദാരുണാന്ത്യം. കോട്ടയം സ്വകാര്യ ആശുപത്രിയുടെ ഉടമസ്ഥതയിലുള്ള ഭാരത് വിശ്വനാഥൻ എന്ന ആനയുടെ അടിയിൽ പെട്ടാണ് ആലപ്പുഴ ചെന്നിത്തല സ്വദേശിയായ പാപ്പാൻ അരുണ് പണിക്കര്ക്ക് ദാരുണാന്ത്യം സംഭവിച്ചത്. ഇന്ന് രാവിലെ ഒൻപതരയ്ക്ക് കാരാപ്പുഴയിൽ വച്ചാണ് ഒന്നാം പാപ്പാനായ അരുണ് പണിക്കര് ആനയെ കുളിപ്പിക്കുന്നതിനിടെ അടിയിൽ പെട്ടത്. ഇടത് ഭാഗത്ത് നിന്ന പാപ്പാൻ ആനയോട് കിടക്കാൻ ആവശ്യപ്പെടുകയായിരുന്നു. ഇതിനിടെ തെന്നിവീണ പാപ്പാൻ ആനയുടെ അടിയിൽ പെടുകയായിരുന്നു. ഇദ്ദേഹത്തിൻ്റെ തലയാണ് ആദ്യം ആനയുടെ അടിയിൽ അകപ്പെട്ടത്. ഇതേ തുടര്ന്ന് തൽക്ഷണം തന്നെ മരണം സംഭവിക്കുകയായിരുന്നു.
സംഭവസ്ഥലത്ത് ഓടിക്കൂടിയ മറ്റ് പാപ്പാന്മാര് അരുണിനെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചിരുന്നു. മൃതദേഹം പോസ്റ്റ്മോര്ട്ടത്തിനായി കോട്ടയം മെഡിക്കൽ കോളേജിൽ സൂക്ഷിച്ചിരിക്കുകയാണ്. അസ്വാഭാവിക മരണത്തിന് പോലീസ് കേസെടുത്ത് അന്വേഷണം ആരംഭിച്ചു.
സംഭവസ്ഥലത്ത് ഓടിക്കൂടിയ മറ്റ് പാപ്പാന്മാര് അരുണിനെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചിരുന്നു. മൃതദേഹം പോസ്റ്റ്മോര്ട്ടത്തിനായി കോട്ടയം മെഡിക്കൽ കോളേജിൽ സൂക്ഷിച്ചിരിക്കുകയാണ്. അസ്വാഭാവിക മരണത്തിന് പോലീസ് കേസെടുത്ത് അന്വേഷണം ആരംഭിച്ചു.