പള്ളിനേര്ച്ചയ്ക്കിടെ ആനയുടെ കുത്തേറ്റ് പാപ്പാൻ മരിച്ചു
ആനയ്ക്ക് മദപ്പാടുണ്ടായിരുന്നതായി സംശയം
Samayam Malayalam 3 Apr 2018, 8:34 am
പാലക്കാട്: പള്ളിനേര്ച്ചയ്ക്കിടെ ആനയുടെ കുത്തേറ്റ് പാപ്പാൻ മരിച്ചു. പാലക്കാട് മേലാര്ക്കോട് നടന്ന പള്ളിനേര്ച്ചയ്ക്കിടെ പുലര്ച്ചെ മൂന്നു മണിയോടെയാണ് സംഭവം. തൃശ്ശൂര് സ്വദേശിയായ കണ്ണനെയാണ് ആന കുത്തിക്കൊന്നത്.
ആലത്തൂരിനടുത്തുള്ള മേലാര്കോട് മസ്താൻ ഒലിയ വലിയപള്ളി നേര്ച്ചയ്ക്കിടെ ആന ഇടഞ്ഞോടുകയായിരുന്നു. ആന വിരണ്ടതോടെ നാട്ടുകാര് ചിതറിയോടി. ആനയെ തളയ്ക്കാനുള്ള ശ്രമത്തിനിടെയാണ് പാപ്പാൻ കണ്ണനെ ആന കുത്തി വീഴ്ത്തിയത്. കുത്തിയതിനു ശേഷവും പാപ്പാനു സമീപം ആന നിലയുറപ്പിച്ചിരിക്കുകയായിരുന്നു. ഇയാളെ പിന്നീട് ആശുപത്രിയിലെത്തിച്ചെങ്കിലും മരിച്ചിരുന്നു.
ഊക്കൻസ് കുഞ്ചു എന്ന ആനയാണ് ഇടഞ്ഞത്. ആനയ്ക്ക് മദപ്പാടുള്ളതായി സംശയമുയര്ന്നതിനെ തുടര്ന്ന് ആലത്തൂര് പോലീസ് കേസെടുത്ത് അന്വേഷണം ആരംഭിച്ചു.
ആലത്തൂരിനടുത്തുള്ള മേലാര്കോട് മസ്താൻ ഒലിയ വലിയപള്ളി നേര്ച്ചയ്ക്കിടെ ആന ഇടഞ്ഞോടുകയായിരുന്നു. ആന വിരണ്ടതോടെ നാട്ടുകാര് ചിതറിയോടി. ആനയെ തളയ്ക്കാനുള്ള ശ്രമത്തിനിടെയാണ് പാപ്പാൻ കണ്ണനെ ആന കുത്തി വീഴ്ത്തിയത്. കുത്തിയതിനു ശേഷവും പാപ്പാനു സമീപം ആന നിലയുറപ്പിച്ചിരിക്കുകയായിരുന്നു. ഇയാളെ പിന്നീട് ആശുപത്രിയിലെത്തിച്ചെങ്കിലും മരിച്ചിരുന്നു.
ഊക്കൻസ് കുഞ്ചു എന്ന ആനയാണ് ഇടഞ്ഞത്. ആനയ്ക്ക് മദപ്പാടുള്ളതായി സംശയമുയര്ന്നതിനെ തുടര്ന്ന് ആലത്തൂര് പോലീസ് കേസെടുത്ത് അന്വേഷണം ആരംഭിച്ചു.