റെക്കോർഡ് ചൂട് മലമ്പുഴയിൽ ;1000ത്തോളം പേർക്ക് സൂര്യാഘാതം

പാലക്കാട്: സംസ്ഥാനത്തെ റെക്കോർഡ് ചൂട് മലമ്പുഴയിൽ രേഖപ്പെടുത്തി. 41.9 ഡിഗ്രി സെൽഷ്യസ് ആയിരുന്നു മലമ്പുഴയിൽ ഇന്ന് രേഖപ്പെടുത്തിയ കൂടിയ ചൂട്. ആറ് വര്‍ഷത്തിനിടയിലെ ഏറ്റവും കൂടിയ ചൂടാണിത്. ഇതിനു മുമ്പ് 2010ലായിരുന്നു സംസ്ഥാനത്ത് ഏറ്റവും ഉയർന്ന ചൂട് രേഖപ്പെടുത്തിയത്. പാലക്കാട് മുണ്ടൂരില്‍ 40.5 ഡിഗ്രി സെൽഷ്യസ് ആണ് രേഖപ്പെടുത്തിയത്. 41.5 ആയിരുന്നു ഇതുവരെ രേഖപ്പെടുത്തിയ ഏറ്റവും ഉയർന്ന ചൂട്.

1000 ത്തോളം പേര്‍ക്ക് സൂര്യാഘാതമേറ്റിട്ടുണ്ട്. ഫെബ്രുവരി മുതൽ പാലക്കാട് ഉയർന്ന ചൂട് അനുഭവപ്പെട്ടു വരികയാണ്. ഇതിനു മുന്‍പ് 2010 ല്‍ രേഖപ്പെടുത്തിയ 41.5 ഡിഗ്രി സെല്‍ഷ്യസ് ആയിരുന്നു രേഖപ്പെടുത്തിയ ഏറ്റവും ഉയര്‍ന്ന താപനില. കഴിഞ്ഞ വർഷങ്ങളിൽ മഴ കുറഞ്ഞതും ഇത്തവണ വേനൽ മഴ കുറഞ്ഞതുമാണ് ജില്ലയിൽ ചൂട് കനക്കാൻ കാരണം. കണ്ണൂരിലും കോഴിക്കോടും കഴിഞ്ഞ വര്‍ഷങ്ങളേക്കാള്‍ ഉയര്‍ന്ന താപനിലയാണ് രേഖപ്പെടുത്തിയിരിക്കുന്നത്.