മലപ്പുറം: സദാചാര ആക്രമണത്തിനും ഭീഷണിക്കും ഇരയായ അധ്യാപകൻ തൂങ്ങി മരിച്ച നിലയിൽ. മലപ്പുറം വലിയോറ സ്വദേശി സുരേഷ് ചാലിയത്തിനെയാണ് വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. ചിത്രകാരനും, സ്കൂൾ അധ്യാപകനുമായിരുന്ന സുരേഷ് സിനിമാ സാംസ്കാരികമേഖലകളിൽ സജീവസാന്നിധ്യമായിരുന്നു. 44 വസായിരുന്നു.
വീട്ടുകാരുടെ മുന്നിൽവെച്ച് അക്രമിക്കപ്പെട്ടതിന്റെ മനോവിഷമത്തിലായിരുന്നു അധ്യാപകനെന്നാണ് റിപ്പോർട്ട്. ശനിയാഴ്ച രാവിലെയാണ് സുരേഷിനെ വീട്ടിനുള്ളില് തൂങ്ങിമരിച്ച നിലയില് കണ്ടത്. സദാചാര ഗുണ്ടകളുടെ ആക്രമത്തിനിരയായതിന്റെ മനോവിഷമത്തിലാണ് സുരേഷ് ജീവനൊടക്കിയതെന്ന് ബന്ധുക്കൾ ആരോപിച്ചു.
മലപ്പുറത്തെ രശ്മി ഫിലിം സൊസൈറ്റിയില് സജീവമായി പ്രവര്ത്തിച്ചിരുന്നു ഇദ്ദേഹം. ഉണ്ണികൃഷ്ണൻ ആവള സംവിധാനം ചെയ്ത ഉടലാഴം എന്ന ചിത്രത്തിന്റെ കലാസംവിധായകനായിരുന്നു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, നിങ്ങള് ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ: ദിശ ഹെല്പ്പ്ലൈന് - 1056 (ടോള് ഫ്രീ)