മങ്കട: സ്വർണത്തോണി നൽകാമെന്ന് വിശ്വസിപ്പിച്ച് മൂന്ന് ലക്ഷം രൂപ തട്ടിയെടുത്തതായി പരാതി. കിണർ കുഴിക്കുമ്പോൾ സ്വർണത്തോണി കിട്ടിയെന്ന് പറഞ്ഞ് അസം സ്വദേശിയിൽ നിന്നാണ് പണം തട്ടിയെടുത്തത്. കോഡൂർ സ്വദേശിയായ യുവാവാണ് തട്ടിപ്പിന് ശ്രമിച്ചതെന്നാണ് പൊലീസിന് ലഭിച്ച പരാതി.
Also Read: സ്പിന്നിങ്ങ് മിൽ തൊഴിലാളികൾ നാളെ മുതൽ അനിശ്ചിതകാല നിരാഹാരസമരത്തിലേക്ക്
കോഡൂർ സ്വദേശിയായ യുവാവ് തന്റെ അനുജന് കിണർ കുഴിച്ചപ്പോൾ അര കിലോഗ്രാം തൂക്കമുള്ള സ്വർണത്തോണി കിട്ടിയതായാണ് അസം സ്വദേശിയെ വിശ്വസിപ്പിച്ചത്. മക്കരപ്പറമ്പിലാണ് അസം സ്വദേശി ജോലി ചെയ്യുന്നത്. കോഡൂർ സ്വദേശിയായ യുവാവിന്റെ പേരോ മറ്റ് വിവരങ്ങളോ ലഭ്യമായിട്ടില്ല. യുവാവിനായുള്ള തെരച്ചിൽ പോലീസ് ശക്തമാക്കി.
Also Read: ശമ്പളം കൊടുക്കാൻ പറ്റുമെങ്കിൽ സ്കൂൾ നടത്താനും കഴിയും: വിരട്ടൽ വേണ്ടെന്ന് മുഖ്യമന്ത്രി
സ്വർണത്തോണി യുവാവ് തൃശൂർ റെയിൽവെസ്റ്റേഷനിൽ വെച്ച് അസം സ്വദേശിയെ കാണിക്കുകയും അതിൽ നിന്ന് ഒരു കഷണം പരിശോധിക്കാനായി നൽകുകയും ചെയ്തു. യഥാർത്ഥ സ്വർണമാണോ ഏതെന്ന് ഉറപ്പു വരുത്തിയ ശേഷം മാത്രം പണം നൽകണമെന്നായിരുന്നു കരാർ. എന്നാൽ, പണം നൽകി രണ്ടു ദിവസങ്ങൾ കഴിഞ്ഞപ്പോഴാണ് തനിക്ക് ലഭിച്ചത് വ്യാജ സ്വർണത്തോണിയാണെന്ന് അസം സ്വദേശിക്ക് മനസിലായത്.