നടിക്കെതിരായ അക്രമം: സിനിമാക്കാരുടെ കൂട്ടായ്‍മ പ്രതിഷേധിച്ചു

കൊച്ചി: പ്രമുഖ നടിയെ തട്ടിക്കൊണ്ടുപോകാന്‍ ശ്രമിച്ച സംഭവത്തില്‍ സിനിമ മേഖലയിലുള്ളവര്‍ പ്രതിഷേധിച്ചു. കൊച്ചി ദര്‍ബാര്‍ ഹാള്‍ ഗ്രൗണ്ടിലാണ് പ്രതിഷേധക്കൂട്ടായ്‍മ സംഘടിപ്പിച്ചത്.



അക്രമത്തിന് ഇരയായ പെണ്‍കുട്ടി ധീരതയുടെ പ്രതീകമാണെന്ന് നടന്‍ മമ്മൂട്ടി പറഞ്ഞു. സംഭവത്തിന് പിന്നില്‍ ഗൂഢാലോചന ഉണ്ടെന്നും ഇത് അന്വേഷിക്കണമെന്നും മഞ്ജു വാര്യര്‍ പറഞ്ഞു. നടിയുടെ തുറന്നു പറച്ചില്‍ അഭിനന്ദനമര്‍ഹിക്കുന്നതായി സംവിധായകന്‍ കമല്‍ പറഞ്ഞു. സംഭവുമായി ബന്ധപ്പെട്ട വാര്‍ത്തകള്‍ വളച്ചൊടിക്കരുതെന്ന് ദിലീപ് ആവശ്യപ്പെട്ടു.



അഭിനേതാക്കളായ ഇന്നസെന്‍റ്,സിദ്ദിഖ്, മനോജ് കെ. ജയന്‍, ലാല്‍, സുരേഷ് കൃഷ്ണ, ദിലീപ്, കാളിദാസ് ജയറാം, സംവിധായന്‍ രഞ്ജിത്ത്, സിപിഎം ജില്ലാ സെക്രട്ടറി പി. രാജീവ് തുടങ്ങിയവര്‍ പങ്കെടുത്തു.