നടിയെ അക്രമിച്ച കേസ്: ദിലീപിൻ്റെ ഹർജി പരിഗണിക്കുന്നത് മാറ്റി

കൊച്ചി: നടിയെ അക്രമിച്ച കേസിൽ സിബിഐ അന്വേഷണം ആവശ്യപ്പെട്ട് നടൻ ദിലീപ് നൽകിയ ഹർജി ഹൈക്കോടതി അടുത്ത മാസം മൂന്നിലേക്ക് മാറ്റി. സി.ബിഎെ അന്വഷണം ആവശ്യപ്പെട്ട് എട്ടാം പ്രതിയായ ദിലീപ് നല്‍കിയ ഹർജി ഹൈക്കോടതി ഇന്ന് പരിഗണിച്ചിരുന്നു. കേസില്‍ നിഷ്പക്ഷമായ അന്വേഷണം നടന്നിട്ടില്ലെന്നും അതിനാല്‍ കേസ് സിബിഎെ അന്വേഷിക്കണമെന്നുമായിരുന്നു ദിലീപിൻ്റെ ആവശ്യം.

കേസിൻ്റെ വിചാരണ ദിലീപ് തടസ്സപ്പെടുത്താന്‍ ശ്രമിക്കുന്നതായി സര്‍ക്കാര്‍ കോടതിയില്‍ അറിയിച്ചിരുന്നു. വിചാരണക്ക് പ്രത്യേക കോടതി ആവാമെന്നും വനിതാ ജഡ്ജിയെ നിയമിക്കുന്നതാണ് ഉചിതമെന്നുമാണ് സര്‍ക്കാര്‍ വാദം .

കേസുമായി ബന്ധപ്പെട്ട രേഖകള്‍ ദിലീപിന് നല്‍കിയിട്ടും വീണ്ടും ആവശ്യങ്ങള്‍ ഉന്നയിച്ച്‌ വിചാരണ തടസപ്പെടുത്താനാണ് ദിലീപിന്‍റെ ശ്രമമെന്നും സര്‍ക്കാര്‍ വ്യക്തമാക്കുന്നു