ദിലീപ് ജാമ്യ വ്യവസ്ഥ ലംഘിച്ചെന്ന് പൊലീസ്

കൊച്ചി: നടിയെ ആക്രമിച്ച കേസില്‍ മുഖ്യപ്രതി ദിലീപ് കോടതിയുടെ ജാമ്യ വ്യവസ്ഥകള്‍ ലംഘിച്ചെന്ന് പൊലീസ്. കേസിലെ പ്രധാന സാക്ഷിയും ദിലീപിന്റെ സുഹൃത്തുമായ നാദിര്‍ഷായുമായി പല തവണ ബന്ധപ്പെടാന്‍ ശ്രമിച്ചതും അന്വേഷണ ഉദ്യോഗസ്ഥര്‍ക്കെതിരെ പരാതി നല്‍കിയതും ജാമ്യ വ്യവസ്ഥയുടെ ലംഘനമായി പൊലീസ് പറയുന്നത്.

നടിയെ ആക്രമിച്ച കേസിലെ കുറ്റപത്രം ഈ മാസം 13ന് സമര്‍പ്പിക്കുമെന്നാണ് പൊലീസ് വൃത്തങ്ങള്‍ പറയുന്നത്. 85 ദിവസത്തെ ജയില്‍വാസത്തിനു ശേഷം കര്‍ശന വ്യവസ്ഥകളോടെയാണ് ഹൈക്കോടതി ദിലീപിന് ജാമ്യം അനുവദിച്ചത്. കുറ്റപത്രം സമര്‍പ്പിക്കാനുളള അവസാനഘട്ട തയ്യാറെടുപ്പിലാണ് അന്വേഷണ ഉദ്യോഗസ്ഥര്‍.