ആദരാഞ്ജലികള്‍ അര്‍പ്പിച്ച് മമ്മൂട്ടിയും ദുല്‍ഖറും
ദേവനന്ദയുടെ മൃതദേഹം പുഴയില്‍ നിന്നും കണ്ടെത്തിയതോടെ കണ്ണീരില്‍ കുതിര്‍ന്നിരിക്കുകയാണ് നാട് മുഴുവന്‍. മമ്മൂട്ടി, ദുല്‍ഖര്‍ സല്‍മാന്‍ അടക്കമുള്ള പ്രമുഖ താരങ്ങള്‍ ദേവനന്ദയ്ക്ക് ആദരാഞ്ജലികള്‍ അര്‍പ്പിച്ച് രംഗത്തുവന്നു. ഇന്നലെ കുട്ടിയെ കാണാതായ വാര്‍ത്തകള്‍ പരന്നതിന് പിന്നാലെ മോഹന്‍ലാലും മമ്മൂട്ടിയും അടക്കമുള്ള താരങ്ങള്‍ കുട്ടിയെ തിരയുന്നതിന് നിര്‍ദ്ദേശം നല്‍കി രംഗത്തുവന്നിരുന്നു.
പ്രാര്‍ത്ഥനകള്‍ വിഫലമായെന്ന് കുഞ്ചാക്കോ ബോബന്‍
നാട് മുഴുവൻ നടത്തിയ തിരച്ചിലുകളും പ്രാര്‍ത്ഥനകളും വിഫലമായി. ദേവനന്ദ യാത്രയായി. ആദരാഞ്ജലികള്‍ എന്നായിരുന്നു കുഞ്ചാക്കോ ബോബന്റെ ഫെയ്സ്ബുക്ക് പോസ്റ്റ്. താരവും ഇന്നലെ കുട്ടിയുടെ പോസ്റ്റ് പങ്കുവച്ചിരുന്നു.
സണ്ണി വെയിന്‍
'ദേവനന്ദ വിടവാങ്ങി ആദരാഞ്ജലികള്‍' എന്നായിരുന്നു സണ്ണി വെയിന്റെ പോസ്റ്റ്. ഇന്നലെ കുട്ടിയെ കാണാതായി എന്ന വാര്‍ത്തകള്‍ പരന്നപ്പോള്‍ മുതല്‍ സണ്ണി വെയിന്‍ കുട്ടിയുടെ ചിത്രവും വാര്‍ത്തകളും പങ്കുവച്ചിരുന്നു.
കണ്ണുകള്‍ തുറന്ന് വയ്ക്കാമെന്ന് അജു
പ്രാര്‍ത്ഥനകള്‍. അവളുടെ ആത്മാവിന് ശാന്തി ഉണ്ടാകട്ടെ. ഇത് ഇത്തരത്തിലുള്ള സംഭവങ്ങളുടെ അവസാനമാകട്ടെ. നമ്മുടെ ചുറ്റുപാടമുള്ള കുട്ടികളുടെയും സ്ത്രീകളുടേയും സുരക്ഷയ്ക്കായി കണ്ണുകള്‍ തുറന്ന് വയ്ക്കാമെന്നും. ഈ സംഭവത്തിന് പിന്നിലുള്ള കൈകളെ നിയമത്തിന് മുന്നില്‍ കൊണ്ടുവരാന്‍ സാധിക്കട്ടെ എന്നും അജു കുറിക്കുന്നു.
നിവിന്‍ പോളി
യുവതാരം നിവിന്‍ പോളിയും മരിച്ച ദേവനന്ദയ്ക്ക് ആദരാഞ്ജലികള്‍ അര്‍പ്പിച്ചു. താരവും ഇന്നലെ, കുട്ടിയെ കാണാതായപ്പോള്‍ മുതല്‍ തിരച്ചിലിന് ആഹ്വാനം ചെയ്ത് രംഗത്തുവന്നിരുന്നു. ഇന്ന് രാവിലെ 7.30ഓടെയാണ് കുട്ടിയുടെ മൃതദേഹം വീടിന് സമീപമുള്ള പുഴയില്‍ നിന്നും കണ്ടെത്തിയത്.