പേരിനൊപ്പം ഇനിഷ്യല്‍ ഉണ്ടോ? എങ്കില്‍ നിങ്ങള്‍ക്കും പണികിട്ടിയേക്കാം

കൊച്ചി: സ്വന്തം പേരിനൊപ്പം ഇനിഷ്യല്‍ ചേര്‍ക്കുന്ന മലയാളിയുടെ ശീലം പാരയാവുന്നു. ആധാര്‍ കാര്‍ഡ് പാന്‍ കാര്‍ഡുമായി ബന്ധിപ്പിക്കാന്‍ ശ്രമിക്കുമ്പോളാണ് പേര് ബുദ്ധിമുട്ടായിമാറുന്നത്. വിവിധ കാര്‍ഡുകളില്‍ പല രീതിയില്‍ പേര് ചേര്‍ത്തതാണ് ഇപ്പോള്‍ പ്രശ്‍നമുണ്ടാക്കുന്നത്.

ആദായ നികുതി റിട്ടേണ്‍ അടയ്‍ക്കാനുള്ള തീയതി അടുത്തുവരുന്നതിനിടെ ആധാര്‍ വിവരങ്ങള്‍ പാന്‍ കാര്‍ഡുമായി ബന്ധിപ്പിക്കാന്‍ ശ്രമിച്ചപ്പോളാണ് പലര്‍ക്കും ബുദ്ധിമുട്ട് നേരിട്ടത്. ആദായ നികുതി അട‍യ്‍ക്കാന്‍ ആധാര്‍ നമ്പര്‍ കേന്ദ്ര സര്‍ക്കാര്‍ നിര്‍ബന്ധമാക്കിയതോടെയാണ് പാന്‍ കാര്‍ഡുമായി ബന്ധിപ്പിക്കേണ്ട ആവശ്യം വന്നത്.

പല കാര്‍ഡുകളിലും പേര് ചേര്‍ത്തത് പല വിധത്തിലായതിനാല്‍ നിരവധിപേര്‍ക്ക് ബുദ്ധിമുട്ടുണ്ടായതായി കൊച്ചിയില്‍ ചാര്‍ട്ടേഡ് അക്കൗണ്ടായ രാഗേഷ് പരമേശ്വരന്‍ പറഞ്ഞു. ചിലര്‍ പാന്‍ കാര്‍ഡില്‍ മുഴുവന്‍ പേരും നല്‍കിയപ്പോള്‍ ആധാര്‍ കാര്‍ഡില്‍ ഇനിഷ്യല്‍ മാത്രമാണ് നല്‍കിയിട്ടുള്ളത്. എന്നാല്‍ ഇവയെ തമ്മില്‍ ബന്ധിപ്പിക്കാനുള്ള വെബ്‍സൈറ്റില്‍ പേരിന്‍റെ ഭാഗത്ത് ഒറ്റ അക്ഷരം മാത്രമായി ചേര്‍ക്കാന്‍ പറ്റില്ല. എന്നാല്‍ ഇനിഷ്യലിന്‍റെ പൂര്‍ണരൂപം ചേര്‍ക്കാര്‍ ശ്രമിക്കുമ്പോള്‍ രണ്ടും ചേരുകയുമില്ല.

ബുദ്ധിമുട്ട് നേരിട്ട പലരും ആദായ നികുതി ഉദ്യോഗസ്ഥരുടെ സഹായവും തേടിയിട്ടുണ്ട്. ഒരേ സംശയം ചോദിച്ച് നിരവധി പേര്‍ എത്തിയതിനെത്തുടര്‍ന്ന് കേന്ദ്ര ഉദ്യോഗസ്ഥരോട് പ്രശ്‍നപരിഹാരത്തിനുള്ള വഴി തേടിയിരിക്കുകയാണ് ആദായ നികുതി ഉദ്യോഗസ്ഥര്‍.

Malayalis face an ‘initial’ problem

As the date to file I-T returns closes in, they are a troubled lot with many among them getting mismatch alerts while trying to link their Aadhaar cards with PAN cards.