ഹരിപ്പാട്: വിഷം കഴിച്ച ശേഷം വീടിന് പെട്രോൾ ഒഴിച്ച് തീ കത്തിച്ച മധ്യവയസ്കൻ മരിച്ചു. കുമാരപുരം എരിക്കാവ് ആനകേരി പറമ്പിൽ തമ്പാൻ (64) ആണ് മരിച്ചത്. വിഷം കഴിച്ച ശേഷം വീടിനു പുറത്തിറങ്ങിയാണ് തമ്പാൻ തീ കൊളുത്തിയത്. വീടിന് തീ കൊളുത്തിയ ശേഷം തമ്പാൻ തിരികെ വീട്ടിൽ കയറി വലിയ ശബ്ദത്തിൽ കരഞ്ഞുവെന്ന് അയൽക്കാർ മൊഴി നൽകി. തുടർന്നാണ് അയൽക്കാർ ഫയർ ഫോഴ്സിനെ വിവരമറിയിച്ചത്. ഫയർ ഫോഴ്സ് തീ വച്ച ശേഷം തമ്പാനെ ഹരിപ്പാട് താലൂക്ക് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. വീട്ടിൽ സൂക്ഷിച്ചിരുന്ന വസ്തുക്കൾ പൂർണമായും കത്തി നശിച്ചു.
പൊള്ളൽ ഏറ്റെങ്കിലും വിഷം കഴിച്ചതാണ് മരണത്തിന് കാരണമായതെന്ന് ഡോക്ടർമാർ വ്യക്തമാക്കി. തമ്പാന് മാനസിക പ്രശ്നം ഉണ്ടായിരുന്നതായി ബന്ധുക്കൾ പറഞ്ഞു. മക്കളും മരുമക്കളും ദൂരെ സ്ഥലങ്ങളിലാണ് താമസം. ഒറ്റക്ക് താമസിച്ചിരുന്ന തമ്പാൻ നേരത്തെ തന്നെ പെട്രോൾ വാങ്ങി സൂക്ഷിച്ചിരുന്നു.
പൊള്ളൽ ഏറ്റെങ്കിലും വിഷം കഴിച്ചതാണ് മരണത്തിന് കാരണമായതെന്ന് ഡോക്ടർമാർ വ്യക്തമാക്കി. തമ്പാന് മാനസിക പ്രശ്നം ഉണ്ടായിരുന്നതായി ബന്ധുക്കൾ പറഞ്ഞു. മക്കളും മരുമക്കളും ദൂരെ സ്ഥലങ്ങളിലാണ് താമസം. ഒറ്റക്ക് താമസിച്ചിരുന്ന തമ്പാൻ നേരത്തെ തന്നെ പെട്രോൾ വാങ്ങി സൂക്ഷിച്ചിരുന്നു.