വൻ തോക്ക് ശേഖരവുമായി പിടിയിലായ ആള്‍ കോട്ടയത്ത് ബിജെപി സ്ഥാനാര്‍ത്ഥി

കോട്ടയം: തോക്ക് ശേഖരവുമായി പിടിയിലായ ആൾ കോട്ടയത്ത് ബിജെപി സ്ഥാനാർത്ഥി. പള്ളിക്കത്തോട് 12-ാം വാർഡിൽ മത്സരിക്കുന്ന ബിജെപി പ്രാദേശിക നേതാവ് കെ എൻ വിജയനാണ് നേരത്തെ തോക്ക് ശേഖരവുമായി പിടിയിലായത്. ഇയാളുടെ തെരഞ്ഞെടുപ്പ് പ്രചാരണം ഇതിനോടകം ആരംഭിച്ചിട്ടുണ്ട്.

Also Read: ശിവശങ്കറിന് എല്ലാ കാര്യങ്ങളെ കുറിച്ചും അറിവുണ്ടായിരുന്നെന്ന് എന്‍ഫോഴ്‌സ്‌മെന്റ് ഡയറക്ടറേറ്റ്

കഴിഞ്ഞ മാർച്ചിലാണ് വിജയൻ ഉൾപ്പെടെ അഞ്ചുപേർ പത്ത് തോക്കുകളും വെടിയുണ്ടകളുമായി പിടിയിലായത്. നേരത്തെ റിമാൻഡിലായിരുന്ന വിജയൻ ഇപ്പോൾ ജാമ്യത്തിലാണ്. വെൽഡിങ് കടയിൽ തോക്കിന്റെ ഭാഗങ്ങൾ റിപ്പയർ ചെയ്യാൻ ഒരാൾ എത്തിയെന്ന വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് വിജയൻ അടക്കമുള്ള പ്രതികൾ പിടിയിലായത്.

Also Read: ബാലഭാസ്കറിന്‍റെ മരണം: കലാഭവൻ സോബി പറഞ്ഞത് കള്ളം; നുണപരിശോധന റിപ്പോർട്ട്

അറസ്റ്റിലായ പ്രതികളുടെ വീടുകളിൽ നടത്തിയ പരിശോധനയിലാണ് വൻ ആയുധശേഖരം പിടിച്ചെടുത്തത്. തോക്കിന്റെ ഭാഗങ്ങൾ, വെടിയുണ്ടകൾ, വെടിമരുന്ന്, തോക്കിന്റെ ബാരൽ ഉണ്ടാക്കാൻ ഉപയോഗിക്കുന്ന വസ്തുക്കൾ എന്നിവയും റെയ്ഡിൽ പിടിച്ചെടുത്തിരുന്നു. കൊമ്പിലാക്കൻ ബിനേഷ് കുമാർ, രതീഷ് ചന്ദ്രൻ, ആനിക്കാട് രാജൻ, ആനിക്കാട് തട്ടാംപറമ്പിൽ മനേഷ് കുമാർ എന്നിവരാണ് വിജയന്റെ കൂട്ടുപ്രതികൾ. ആംസ്ആക്ട്, അനധികൃത ആയുധനിർമ്മാണം എന്നീ വകുപ്പുകൾ ചുമത്തിയാണ് കേസെടുത്തത്.