ഫോണ്‍ കെണി: മംഗളം ചാനലിന്‍റെ ലൈസന്‍സ് റദ്ദാക്കണമെന്ന് കമ്മീഷന്‍

തിരുവനന്തപുരം: ഫോണ്‍ കെണി വിവാദത്തില്‍ മുന്‍മന്ത്രി എകെ ശശീന്ദ്രനെ കുറ്റവിമുക്തനാക്കി പിഎസ് ആന്‍റണി കമ്മീഷന്‍ റിപ്പോര്‍ട്ട്.

എകെ ശശീന്ദ്രനെ മംഗളം ചാനല്‍ ഫോണ്‍കെണിയില്‍ കുടുക്കിയതാണ്. ചാനലിന്‍റെ ലൈസന്‍സ് റദ്ദാക്കണമെന്നും മേധാവിയെ പ്രോസിക്യൂട്ട് ചെയ്യണമെന്നും റിപ്പോര്‍ട്ടില്‍ ശുപാര്‍ശ ചെയ്യുന്നു.

ഇന്ന് രാവിലെയാണ് റിപ്പോര്‍ട്ട് സമര്‍പ്പിച്ചത്. നിയമവിരുദ്ധ പ്രവര്‍ത്തിയാണ് ചാനലിന്‍റെ ഭാഗത്ത് നിന്ന് ഉണ്ടായത്. ചാനലിന്‍റെ നടപടിയിലൂടെ സര്‍ക്കാര്‍ ഖജനാവിന് നഷ്ടമുണ്ടായിട്ടുണ്ട്. ഇത് ഈടാക്കണമെന്നും റിപ്പോര്‍ട്ടില്‍ പറയുന്നു.