അഗ്നി പരീക്ഷയും കടന്ന് മാണിക്ക് വിജയം

നിയമസഭാ തെരഞ്ഞെടുപ്പിൽ പാലായിൽ കെ.എം മാണി 4,703 വോട്ടുകളുടെ ഭൂരിപക്ഷത്തിൽ വിജയിച്ചു. 58,884 വോട്ടുകളാണ് മാണി നേടിയത്. എൻസിപി സ്ഥാനാർഥി മാണി സി കാപ്പൻ 54,181 വോട്ടുകൾ നേടി രണ്ടാം സ്ഥാനത്ത് എത്തി. ബിജെപി സ്ഥാനാർഥി എൻ ഹരി 24,821 വോട്ടുകൾ നേടി മൂന്നാം സ്ഥാനത്ത് എത്തി.

ഇത് പതിമൂന്നാം തവണയാണ് മാണി പാലായിൽ വിജയം നേടുന്നത്. സത്യം വിജയിച്ചു. ദൈവത്തിന് സ്തുതിയെന്നാണ് മാണി വിജയത്തോട് പ്രതികരിച്ചത്. തന്‍റെ എല്ലാമെല്ലാമായ പാലാക്കാർക്ക് നന്ദിയും മാണി അറിയിച്ചു.