ആട് ആന്റണി കുറ്റക്കാരൻ: ശിക്ഷ വെള്ളിയാഴ്ച

പൊലീസുകാരന്‍ മണിയന്‍ പിള്ളയെ കൊലപ്പെടുത്തിയ കേസില്‍ മോഷ്ടാവ് ആട് ആന്റണി കുറ്റക്കാരനെന്നു കോടതി. കൊല്ലം പ്രിന്‍സിപ്പല്‍ സെഷന്‍സ് കോടതിയാണ് വിധി പറഞ്ഞത്. ശിക്ഷ വെള്ളിയാഴ്ച പ്രഖ്യാപിക്കും.

കൊലപാതകം , കൊലപാതക ശ്രമം , തെളിവു നശിപ്പിക്കല്‍ , വ്യാജരേഖ ചമയ്ക്കല്‍ , വ്യാജരേഖ ഉപയോഗിക്കല്‍ , ഔദ്യോഗിക കൃത്യനിര്‍വഹണത്തിനിടെ പരുക്കേല്‍പ്പിക്കല്‍ , ഔദ്യോഗിക കസ്റ്റഡിയില്‍ നിന്നു രക്ഷപ്പെടല്‍ എന്നീ കുറ്റങ്ങളാണു ആന്റണിക്കെതിരെ ചുമത്തിയിരിക്കുന്നത്.

വാഹന പരിശോധയ്ക്കിടെയാണു പൊലീസ് ഡ്രൈവര്‍ മണിയന്‍ പിള്ള കുത്തേറ്റു മരിച്ചത്.