മണിയാർ ഡാം ഷട്ടറുകൾക്ക് തകരാർ

റാന്നി: സംസ്ഥാനത്ത് പ്രളയം രൂക്ഷമായതിനിടെ പമ്പയിലൂടെ മണിയാർ ഡാമിന് തകരാർ. മണിയാർ ഡാം കരകവിഞ്ഞതിനെ തുടർന്ന് നാല് ഷട്ടറുകൾ തുരണ് വിട്ടിരുന്നു. എന്നാൽ ഇപ്പോൾ, അടുത്ത തുലാവർഷം ഡാമിന് മറികടക്കാൻ കഴിയുമോ എന്ന കാര്യം ആശങ്കയുയർത്തുന്നു.

ഷട്ടറുകളുടെ കോൺക്രീറ്റ് തകർന്ന അവസ്ഥയിലാണ് ഇപ്പോൾ. വലതുകരയോട് ചേർന്ന രണ്ടാം ഷട്ടർ തുറന്ന് വെള്ളം ഒഴുക്കി വിടാൻ അന്ന് കഴിഞ്ഞിരുന്നില്ല. ശക്തമായി വെള്ളം ഷട്ടറിന്റെ മുകളിലൂടെ കുത്തിയൊഴുകിയതിനാൽ ഡാമിന് ക്ഷതം സംഭവിച്ചു. ആ ഭാഗത്ത് നിന്നും കോൺക്രീറ്റ് അടർന്നു പോയിട്ടുണ്ട്. വലതുകരയിലെ ഒന്നാം നമ്പർ ഷട്ടറിനും ഇതേ അവസ്ഥ തന്നെയാണ് ഇപ്പോൾ.

ഡാമിൽ നിന്ന് ഇപ്പോഴും വെള്ളം പുറത്തേക്ക് വിടുന്നുണ്ടെങ്കിലും ഡാം സുരക്ഷിതമായ നിലയിലല്ല. ഡാമിന് തകർച്ച സംഭവിച്ചാൽ മണിയാർ മുതൽ കക്കാട്ടാറിന്റെയും പൂവത്തുംമൂട്–ചെങ്ങന്നൂർ വരെ പമ്പാനദിയുടെ തീരപ്രദേശങ്ങളെയും ദോഷമായി ബാധിക്കും. ഇനിയും ശക്തമായ ഒഴുക്കുണ്ടായാൽ അത് ഡാമിന് താങ്ങാനാവില്ലെന്നാണ് സൂചന. ശബരിഗിരി, കക്കാട്, കാരിക്കയം, അള്ളുങ്കൽ പദ്ധതികളിൽ വൈദ്യുതി ഉൽപാദിപ്പിച്ച ശേഷം ബാക്കിയുള്ള വെള്ളമാണ് മണിയറയിലേക്ക് പുറംതള്ളുന്നത്. 1995 മുതലാണ് ഇവിടെ വൈദ്യുതി ഉൽപാദിപ്പിച്ചു തുടങ്ങിയത്. 31.5 മീറ്ററാണ് ഡാമിന്റെ സംഭരണശേഷി.