മഞ്ചേശ്വരം തെരഞ്ഞെടുപ്പ്: കെ സുരേന്ദ്രന്റെ ഹര്ജി ഇന്ന് പരിഗണിക്കും
ഹര്ജി പിന്വലിക്കുന്നില്ലെന്ന് ബി.ജെ.പി നേതാവ് കെ സുരേന്ദ്രന് കോടതിയെ അറിയിച്ചു. ഹൈകോടതിയിലെ കേസില് തീര്പ്പാക്കാതെ ഉപതെരഞ്ഞെടുപ്പ് പ്രഖ്യാപിക്കാനാകില്ലെന്നാണ് തെരഞ്ഞെടുപ്പ് കമ്മീഷൻ്റെ നിലപാട്
Samayam Malayalam 19 Dec 2018, 7:16 am
ഹൈലൈറ്റ്:
- മഞ്ചേശ്വരം തെരഞ്ഞെടുപ്പിൽകെ സുരേന്ദ്രന്റെ ഹര്ജി ഹൈക്കോടതി ഇന്ന് വീണ്ടും പരിഗണിക്കും
- ലീഗ് എംഎൽഎക്ക് 59 പേര് കള്ളവോട്ട് ചെയ്തു എന്നാണ് സുരേന്ദ്രൻ്റെ ആരോപണം
- അബ്ദുള് റസാഖിന്റെ തെരഞ്ഞെടുപ്പ് വിജയം റദ്ദാക്കണമെന്നാണ് ആവശ്യം
മഞ്ചേശ്വരം: മഞ്ചേശ്വരം തിരഞ്ഞെടുപ്പ് വിഷയത്തിൽ ബിജെപി ജനറല് സെക്രട്ടറി കെ സുരേന്ദ്രന്റെ ഹര്ജി ഹൈക്കോടതി ഇന്ന് വീണ്ടും പരിഗണിക്കും. മുസ്ലീം ലീഗിലെ പി ബി അബ്ദുള് റസാഖിന്റെ തെരഞ്ഞെടുപ്പ് വിജയം കള്ളവോട്ട് മൂലമാണെന്നാണ് സുരേന്ദ്രൻ്റെ പരാതി. തെരഞ്ഞെടുപ്പ് റദ്ദാക്കി തന്നെ വിജയിയായി പ്രഖ്യാപിക്കണമെന്നാണ് സുരേന്ദ്രന് ആവശ്യപ്പെട്ടിരിക്കുന്നത്. മരിച്ചു പോയവരുടെയും വിദേശത്തുള്ളവരുടെയും പേരില് പി ബി അബ്ദുല് റസാഖിന് അനുകൂലമായി കള്ളവോട്ട് ചെയ്തിട്ടുണ്ടെന്നാണ് സുരേന്ദ്രൻ്റെ വാദം. കഴിഞ്ഞ നിയമസഭാ തെരഞ്ഞെടുപ്പില് 89 വോട്ടുകള്ക്കാണ് അബ്ദുല് റസാഖ് വിജയിച്ചത്. 259 പേര് കള്ളവോട്ട് ചെയ്തു എന്നാരോപിച്ചാണ് സുരേന്ദ്രന് കോടതിയെ സമീപിച്ചത്. എം എല് എ പി ബി അബ്ദുള് റസാഖ് മരിച്ചതിനാല് മകന് ഷഫീഖ് റസാഖാണ് കേസിൽ എതിർകക്ഷി