മാവോയിസ്റ്റ് നേതാക്കളായ രൂപേഷിൻ്റെയും ഷൈനയുടെയും മകള്‍ ആമി വിവാഹിതയായി

തൃശൂര്‍: മാവോയിസ്റ്റ് നേതാക്കളായ രൂപേഷിൻ്റെയും ഷൈനയുടെയും മകള്‍ ആമി വിവാഹിതയായി. ബംഗാള്‍ സ്വദേശിയും മെഡിക്കൽ വിദ്യാര്‍ത്ഥിയുമായ ഒര്‍കോദീപാണ് വരൻ. വിദ്യാര്‍ത്ഥി സംഘടനാ പ്രവര്‍ത്തനത്തിനിടെ ഉണ്ടായ സൗഹൃദമാണ് വിവാഹത്തിലെത്തിയത്. തൃശൂരിലെ രൂപേഷിൻ്റെയും ഷൈനയുടെയും വസതിയായ വലപ്പാട് വച്ചായിരുന്നു ലളിതമായ വിവാഹം. ഒരു ദിവസത്തെ പരോളിൽ രൂപേഷും ജാമ്യത്തിൽ ഷൈനയും വിവാഹത്തിൽ പങ്കെടുത്തു. അടുത്ത ബന്ധുക്കളടക്കം 19 പേരാണ് വിവാഹത്തിൽ പങ്കെടുക്കാനെത്തിയത്. കനത്ത പോലിസ് സുരക്ഷയോടെയാണ് രൂപേഷിനെ വീട്ടിലെത്തിച്ചത്. ബോംബ് സ്ക്വാഡും ഡോഗ് സ്ക്വാഡും പരിശോധനയ്ക്ക് എത്തിയിരുന്നു.



സിപിഐ നേതാവ് ബിനോയ് വിശ്വം, സിഎംപി നേതാവ് സിപി ജോൺ തുടങ്ങിയ നേതാക്കള്‍ ആശംസകള്‍ അറിയിക്കാൻ എത്തിയിരുന്നു.