തിരുവനന്തപുരം: നേതാക്കളുടെയും പ്രവർത്തകരുടെയും അകമ്പടിയോടെ നാമനിർദ്ദേശ പത്രിക സമർപ്പിക്കാനെത്തിയ സ്ഥാനാർത്ഥി പത്രികയെടുക്കാൻ മറന്നുപോയി. ഇന്നലെ കേന്ദ്ര തെരഞ്ഞെടുപ്പ് കമ്മിറ്റി ഓഫീസിൽ പത്രിക സമർപ്പിക്കാനെത്തിയ ചിറ്റയം ഗോപകുമാറാണ് പത്രികയെടുക്കാൻ മറന്നുപോയത്. സജി ചെറിയാൻ എംഎൽഎ, സിപിഐ നേതാക്കളായ പി പ്രസാദ്, ഇ രാഘവൻ, പി പ്രകാശ് ബാബു, വി മോഹൻദാസ് എന്നിവരോടൊപ്പമാണ് ചിറ്റയം ഗോപകുമാർ നാമനിർദ്ദേശ പത്രിക സമർപ്പിക്കാനെത്തിയത്. 11 മണിക്ക് സമർപ്പിക്കാനായിരുന്നു ഉദ്ദേശം. കൃത്യസമയത്തുതന്നെ പത്രിക സമർപ്പിക്കാൻ സ്ഥാനർത്ഥികളും നേതാക്കളും എത്തി. പത്രിക നൽകാൻ ആർഡിഒ ആവശ്യപ്പെട്ടപ്പോഴാണ് പത്രികയെടുക്കാൻ മറന്നുപോയ വിവരം സ്ഥാനാർത്ഥിയുടേയും നേതാക്കളുടേയും ശ്രദ്ധയിൽപ്പെട്ടത്.
കേന്ദ്ര തെരഞ്ഞെടുപ്പ് കമ്മിറ്റി ഓഫീസിൽ സൂക്ഷിച്ചിരുന്ന പത്രിക ഉടൻതന്നെ പ്രവർത്തകരെ പറഞ്ഞുവിട്ട് എടുപ്പിക്കുകയായിരുന്നു. തുടർന്ന് 11.15ന് ചിറ്റയം ഗോപകുമാർ പത്രിക സമർപ്പിച്ചു. 12.30നാണ് പത്രിക സമർപ്പണം പൂർത്തിയായത്.
മാവേലിക്കര ലോക്സഭാ മണ്ഡലം സ്ഥാനാർത്ഥിയാണ് ചിറ്റയം ഗോപകുമാർ. ചെങ്ങന്നൂർ ആർഡിഒ അലക്സ് ജോസസ് മുമ്പാകെയാണ് ചിറ്റയം ഗോപകുമാർ പത്രിക സമർപ്പിച്ചത്. സിപിഐ സംസ്ഥാന അസിസ്റ്റന്റ് സെക്രട്ടറി അഡ്വ കെ പ്രകാശ് ബാബു, സംസ്ഥാന എക്സിക്യൂട്ടീവ് അംഗം ടി പുരുഷോത്തമന്, ഭക്ഷ്യ മന്ത്രി പി തിലോത്തമന്, മാവേലിക്കര മണ്ഡലം കേന്ദ്ര ഇലക്ഷന് കമ്മിറ്റി പ്രസിഡന്റ് സജി ചെറിയാന് എം എല് എ, സെക്രട്ടറി പി പ്രസാദ്, സിപിഐ ജില്ലാ സെക്രട്ടറി ടി ജെ ആഞ്ചലോസ്, നേതാക്കളായ കെ സോമപ്രസാദ് എം പി, ബി രാഘവന്, സി എസ് സുജാത, ആര് രാജേഷ് എംഎല്എ, ജി ഹരിശങ്കര്, അഡ്വ വി മോഹന്ദാസ്, എം എച്ച് റഷീദ് തുടങ്ങിയവര് സ്ഥാനാര്ത്ഥിക്കൊപ്പം എത്തിയിരുന്നു.
കേന്ദ്ര തെരഞ്ഞെടുപ്പ് കമ്മിറ്റി ഓഫീസിൽ സൂക്ഷിച്ചിരുന്ന പത്രിക ഉടൻതന്നെ പ്രവർത്തകരെ പറഞ്ഞുവിട്ട് എടുപ്പിക്കുകയായിരുന്നു. തുടർന്ന് 11.15ന് ചിറ്റയം ഗോപകുമാർ പത്രിക സമർപ്പിച്ചു. 12.30നാണ് പത്രിക സമർപ്പണം പൂർത്തിയായത്.
മാവേലിക്കര ലോക്സഭാ മണ്ഡലം സ്ഥാനാർത്ഥിയാണ് ചിറ്റയം ഗോപകുമാർ. ചെങ്ങന്നൂർ ആർഡിഒ അലക്സ് ജോസസ് മുമ്പാകെയാണ് ചിറ്റയം ഗോപകുമാർ പത്രിക സമർപ്പിച്ചത്. സിപിഐ സംസ്ഥാന അസിസ്റ്റന്റ് സെക്രട്ടറി അഡ്വ കെ പ്രകാശ് ബാബു, സംസ്ഥാന എക്സിക്യൂട്ടീവ് അംഗം ടി പുരുഷോത്തമന്, ഭക്ഷ്യ മന്ത്രി പി തിലോത്തമന്, മാവേലിക്കര മണ്ഡലം കേന്ദ്ര ഇലക്ഷന് കമ്മിറ്റി പ്രസിഡന്റ് സജി ചെറിയാന് എം എല് എ, സെക്രട്ടറി പി പ്രസാദ്, സിപിഐ ജില്ലാ സെക്രട്ടറി ടി ജെ ആഞ്ചലോസ്, നേതാക്കളായ കെ സോമപ്രസാദ് എം പി, ബി രാഘവന്, സി എസ് സുജാത, ആര് രാജേഷ് എംഎല്എ, ജി ഹരിശങ്കര്, അഡ്വ വി മോഹന്ദാസ്, എം എച്ച് റഷീദ് തുടങ്ങിയവര് സ്ഥാനാര്ത്ഥിക്കൊപ്പം എത്തിയിരുന്നു.