ഭക്ഷണശേഷം കൈകഴുകാൻ പോയ വിദ്യാർഥി ക്രിക്കറ്റ് ബാറ്റ് തെറിച്ചു കൊണ്ട് മരിച്ചു

മാവേലിക്കര: ക്രിക്കറ്റ് കളിക്കിടെ ബാറ്റ് തലയിൽ വീണ് സ്കൂള്‍ വിദ്യാര്‍ഥിയ്ക്ക് ദാരുണാന്ത്യം. മാവേലിക്കര ചാരുമ്മൂട് പുതുപ്പള്ളിക്കുന്ന് വിനോദ് ഭവനിൽ നവനീത് (11) ആണ് മരിച്ചത്. ചുനക്കര ഗവൺമെന്‍റ് ഹയര്‍ സെക്കണ്ടറി സ്കൂളിലെ ആറാം ക്ലാസ് വിദ്യാര്‍ത്ഥിയാണ് മരിച്ച നവനീത്.

ഉച്ചഭക്ഷണത്തിന് ശേഷം കൈ കഴുകാനായി പൈപ്പിനു സമീപത്തേയ്ക്ക് നടന്ന നവനീതിന്‍റെ തലയ്ക്ക് പിന്നിൽ ക്രിക്കറ്റ് ബാറ്റ് തെറിച്ചു കൊള്ളുകയായിരുന്നു. ക്രിക്കറ്റ് കളിച്ചു കൊണ്ടിരുന്ന വിദ്യാര്‍ഥികളുടെ കൈയ്യിൽ നിന്ന് അബദ്ധത്തിൽ ബാറ്റ് തെറഇച്ചു പോയതാണെന്നാണ് വിവരം. ശക്തിയായി ബാറ്റ് തലയിൽ അടിച്ചു കൊണ്ടതിനെ തുടര്‍ന്ന് കുട്ടി ബോധരഹിതനാകുകയായിരുന്നു.

Also Read: ഷെഹ്‌ലയുടെ മരണത്തിൽ പ്രതിഷേധം രൂക്ഷം; വയനാട് കളക്ട്രേറ്റിനുള്ളിൽ എസ്എഫ്ഐ പ്രവർത്തകർ ചാടിക്കയറി

സമീപത്തുണ്ടായിരുന്ന സഹപാഠികളും അധ്യാപകരും ചേര്‍ന്ന് നവനീതിനെ ഉടൻ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. അടുത്തുള്ള ആശുപത്രിയിൽ ആദ്യം എത്തിച്ചെങ്കിലും പരിക്ക് ഗുരുതരമായതിനാൽ താലൂക്ക് ആശുപത്രിയിലേയ്ക്ക് റെഫര്‍ ചെയ്യുകയായിരുന്നു. എന്നാൽ ഇതിനിടയിൽ ജീവൻ നഷ്ടമായിരുന്നു. കായംകുളം സര്‍ക്കാര്‍ ആശുപത്രിയിലാണ് മൃതദേഹം.

Also Read: ഫാത്തിമ ലത്തീഫിൻ്റെ മരണത്തിൽ ആഭ്യന്തര അന്വേഷണമില്ല; പ്രതിഷേധം കടുപ്പിക്കാൻ വിദ്യാർത്ഥികൾ

വയനാട് ബത്തേരിയിൽ അഞ്ചാം ക്ലാസ് വിദ്യാർത്ഥിനി ഷെഹ് ല ഷെറിൻ ക്ലാസ് മുറിയിൽ വെച്ച് പാമ്പുകടിച്ചു മരിച്ചെന്ന വാർത്തയുടെ ഞെട്ടൽ മാറും മുൻപാണ് കളിക്കളത്തിൽ ആറാം ക്ലാസ് വിദ്യാർത്ഥിയുടെ ജീവനെടുത്ത സംഭവം. പെൺകുട്ടിയുടെ മരണത്തിന് പിന്നാലെ വയനാട്, ഇടുക്കി, പത്തനംതിട്ട ജില്ലകളിലെ കളക്ടർമാർ സ്കൂൾ പരിസരത്തെ സുരക്ഷ ഉറപ്പാക്കാൻ റവന്യൂ അധികാരികൾക്ക് നിർദ്ദേശം നൽകിയിട്ടുണ്ട്.