സ്വാശ്രയ പ്രവേശനം: രൂക്ഷ വിമര്‍ശവുമായി ഹൈക്കോടതി

തിരുവനന്തപുരം: സ്വാശ്രയ മെഡിക്കല്‍ കോളേജ് പ്രവേശനത്തില്‍ സര്‍ക്കാരിനും മാനേജ്മെന്‍റുകള്‍ക്കുമെതിരെ രൂക്ഷ വിമര്‍ശനവുമായി ഹൈക്കോടതി. സ്വാശ്രയ പ്രവേശനവുമായി ബന്ധപ്പെട്ട് സര്‍ക്കാര്‍ കൃത്യമായ നടപടികള്‍ സ്വീകരിച്ചില്ലെന്നും അതിനാല്‍ സ്വാശ്രയ പ്രവേശനം ആകെ കുഴഞ്ഞു മറിയുന്ന അവസ്ഥയിലാണെന്നും കോടതി വ്യക്തമാക്കി.

പ്രവേശനത്തിനുളള ഫീസ് ഘടന സര്‍ക്കാരിന് ഏറ്റവും ലഘുവായി പരിഹരിക്കാമായിരുന്നു. ഫീസ് ഘടനയുമായി ബന്ധപ്പെട്ട വ്യക്തത ഇനിയും കൈവന്നിട്ടില്ല. കുട്ടികളുടെ ഭാവി പരിഗണിക്കാതെ ഫീസിന്‍റെ കാര്യത്തില്‍ മാത്രമുളള പ്രശ്നങ്ങള്‍ ഉയര്‍ത്തിക്കാട്ടി പ്രവേശനം നീണ്ടുപോകാനുളള സാഹചര്യമൊരുക്കുകയാണെന്നും കോടതി വിമര്‍ശിച്ചു.

സ്വാശ്രയ പ്രവേശനവുമായി ബന്ധപ്പെട്ടുള്ള വിഷയങ്ങളില്‍ വിശദമായ റിപ്പോര്‍ട്ട് സമര്‍പ്പിക്കാനും കോടതി നിര്‍ദ്ദേശം നല്‍കിയിട്ടുണ്ട്. കേസില്‍ വിശദമായി വാദം കേള്‍ക്കുന്നതിനായി നാളത്തേക്ക് മാറ്റിയിട്ടുണ്ട്. ഇത് സംബന്ധിച്ച കൃത്യമായ നിലപാട് കോടതിയെ അറിയിക്കണമെന്നും നിര്‍ദ്ദേശമുണ്ട്.

Medical admission: HC raps govt, SF managements

The Kerala High Court on Monday came down heavily on the state government and the college management in connection with the admission to self-financing medical colleges.