മെഡിക്കൽ കോളേജുകളിലെ ജൂനിയർ ഡോക്ടർമാരുടെ സമരം തുടരും

തിരുവനന്തപുരം: സംസ്ഥാനത്തെ സര്‍ക്കാര്‍ മെഡിക്കല്‍, ഡെൻറൽ കോളേജുകളിലെ ജൂനിയര്‍ ഡോക്ടര്‍മാരുടെ സമരം ഒത്തു തീർപ്പായില്ല. സമരം തുടരുമെന്നാണ് ജൂനിയർ ഡോക്ടർമാരുടെ നിലപാട്. കഴിഞ്ഞ ദിവസം ആരോഗ്യമന്ത്രി കെ.കെ.ശൈലജയുമായി നടത്തിയ ചർച്ചയിൽ സമരം ഒത്തു തീർപ്പായെന്ന് വാർത്തകളുണ്ടായിരുന്നു.

എന്നാൽ പെൻഷൻ പ്രായം ഉയർത്തിയ നടപടി പിൻവലിക്കില്ല എന്നതടക്കമുള്ള കാര്യങ്ങളിൽ ഡോക്ടർമാരുടെ ആവശ്യം അംഗീകരിക്കാത്തതിനാൽ സമരം തുടരും. സമരത്തിൽ നിന്ന് അത്യാഹിത വിഭാഗത്തെ ഒഴിവാക്കിയിട്ടുണ്ട്. മന്ത്രിയിൽ നിന്ന് വ്യക്തമായ ഉറപ്പ് ലഭിക്കാത്തതിനാലാണ് സമരം തുടരുന്നതെന്നും ഭാരവാഹികൾ അറിയിച്ചു.