മെഡിക്കല്‍ കോഴ; നടപടികളുമായി ബിജെപി സംസ്ഥാന നേതൃത്വം

തിരുവനന്തപുരം: മെഡിക്കല്‍ കോളജ് കോഴ സംബന്ധിച്ച പാര്‍ട്ടി അന്വേഷണ റിപ്പോര്‍ട്ട് ചോര്‍ന്ന സംഭവത്തില്‍ കൂടുതല്‍ നടപടിക്ക് ബിജെപി സംസ്ഥാന നേതൃത്വമൊരുങ്ങുന്നു. സംസ്ഥാന അധ്യക്ഷന്‍ കുമ്മനം രാജശേഖരന്റെ നേരിട്ടുള്ള നിയന്ത്രണത്തിലാണ് അന്വേഷണം നടക്കുക. ഇതോടൊപ്പം ഉയര്‍ന്ന മറ്റ് ആരോപണങ്ങളും അന്വേഷിക്കാനാണ് ബിജെപി തീരുമാനം.

കുറ്റക്കാരെന്ന് കണ്ടെത്തിയാല്‍ ചുമതലകളില്‍ നിന്ന് മാറ്റിനിര്‍ത്തുന്നതടക്കമുള്ള നടപടികള്‍ ഉണ്ടാകും. നേതാക്കള്‍ക്കെതിരെയുളള ഉയര്‍ന്നിട്ടുളള വിവധ അഴിമതി ആരോപണങ്ങളില്‍ അന്വേഷണം നടക്കും. അതേസമയം ഔദ്യോഗിക പക്ഷത്തിനെതിരെ ശക്തമായ ആരോപണങ്ങളാണ് മുരളീധരപക്ഷം ഉന്നയിക്കുന്നത്.

ദേശീയ അധ്യക്ഷന്‍ അമിത് ഷായുടെ നേരിട്ടുള്ള നിയന്ത്രണത്തിലാണ് കേരളഘടകത്തിന്റെ പ്രവര്‍ത്തനമെങ്കിലും വിഭാഗീയത രൂക്ഷമാകുന്നതിന്റെ വിവരങ്ങളാണ് പുറത്തുവരുന്നത്.

Medical College scam: BJP to take further action

The BJP state leadership is gearing up to take further action over the leaking of the internal probe report into the Medical College scam