മീറ്ററിടാതെ ഓട്ടോറിക്ഷ ഓടിക്കേണ്ട; പത്തനംതിട്ട എസ്‍പി

പത്തനംതിട്ട: കേരളത്തിനു മുഴുവന്‍ അനുകരിക്കാവുന്ന മാതൃകയുമായി പത്തനംതിട്ട എസ്പി ഹരിശങ്ക‍ര്‍. മീറ്റര്‍ സ്ഥാപിച്ച്‌, അതു പ്രവര്‍ത്തിക്കുന്നുണ്ടെന്ന് ഉറപ്പുവരുത്തി മാത്രം ഓട്ടോറിക്ഷകള്‍ നിരത്തില്‍ ഓടിയാല്‍ മതി. നിയമം ലംഘിക്കുന്നവര്‍ക്ക് പിഴ, പിന്നെ കര്‍ശന നടപടിയും.

ഇന്നലെത്തന്നെ ട്രയല്‍ റണ്ണുമാരംഭിച്ചു. മീറ്ററില്ലാത്ത ഓട്ടോറിക്ഷകള്‍ പൊലീസ് പിടികൂടി 100 രൂപ വീതം പിഴയീടാക്കി. ഉടന്‍ തന്നെ മീറ്റര്‍ വയ്ക്കണമെന്ന് താക്കീതും നല്‍കി. അടൂരിലും തിരുവല്ലയിലും പ്രതിഷേധവുമായി ഓട്ടോത്തൊഴിലാളികള്‍ രംഗത്തിറങ്ങി. ഉത്തരവ് പിന്‍വലിക്കണമെന്ന ആവശ്യവുമായി തൊഴിലാളി നേതാക്കന്മാര്‍ എസ്‍പിയെ സമീപിച്ചു. സാവകാശം അനുവദിക്കാമെന്ന് എസ്‍പി ഉറപ്പു നല്‍കി. ഒരാഴ്ചയാണ് അനുവദിച്ചിരിക്കുന്ന സാവകാശം.