'മെട്രോ മാന്' ജനങ്ങളുടെ ആദരം: നിലക്കാത്ത കൈയ്യടി

കൊച്ചി: മെട്രോ ഉദ്ഘാടനവേദിയിൽ 'മെട്രോ മാൻ' ഇ.ശ്രീധരന് ജനങ്ങളുടെ ആദരമായി നീണ്ട കരഘോഷം. കെഎംആർഎൽ എംഡി ഏലിയാസ് ജോർജ് ശ്രീധരന് സ്വാഗം പറഞ്ഞപ്പോളാണ് ജനങ്ങൾ നിർത്താതെ കൈയ്യടിച്ചത്.

അടുത്ത ആളുടെ പേര് പറയാൻ ഏലിയാസ് ജോർജിന് കരഘോഷം തീരുന്നത് വരെ കാത്തു നിൽക്കേണ്ടി വന്നു. ശ്രീധരന്‍റെ പേര് പരാമർശിച്ചു കൊണ്ട് സ്വാഗത പ്രസംഗം അവസാനിച്ചപ്പോഴും നിറഞ്ഞ കൈയ്യടികൾ ആയിരുന്നു.

മുഖ്യമന്ത്രി തന്‍റെ പ്രസംഗത്തിൽ ശ്രീധരന്‍റെ പേര് പരാമർശിച്ചപ്പോഴും സദസിൽ നിന്ന് കയ്യടികളും ചൂളം വിളിയും ഉയർന്നു. മെട്രോ ഉദ്ഘാടന വേദിയിൽ ശ്രീധരന് ഇരിപ്പിടമില്ല എന്ന വാർത്ത വന്നപ്പോൾ വാൻ പ്രതിഷേധമാണ് കേരളത്തിലെ ജനങ്ങൾ ഉയർത്തിയത്. ശ്രീധരൻ വേദിയിൽ വേണമെന്ന് മുഖ്യമന്ത്രി കത്തിലൂടെ ആവശ്യപ്പെട്ട ശേഷമാണ് പ്രധാനമന്ത്രിയുടെ ഓഫീസ് അനുകൂല തീരുമാനം അറിയിച്ചത്.

Metro Man awarded with great applause from people

E. Sreedharan gets the apt recognition from the people of Kerala: unstoppable applause