എം.ജി കലോത്സവത്തിന് കൊച്ചിയിൽ വർണ്ണാഭമായ തുടക്കം

കൊച്ചി: ചിത്രകാരന്‍ അശാന്തന്റെ മൃതദേഹത്തോടു കാണിച്ച അനാദരവില്‍ പ്രതിഷേധിച്ച്‌ 'അശാന്തം' എന്നു പേരിട്ടിരിക്കുന്ന വേദിയില്‍ എം.ജി. കലോത്സവത്തിന്‌ ഇന്നു തുടക്കമായി. രാജേന്ദ്രമൈതാനിക്ക്‌ പുറമേ മഹാരാജാസ്‌ കോളജ്‌, ലോ കോളജ്‌ എന്നിവിടങ്ങിലെ വിവിധവേദികളിലായി അഞ്ച് ദിനം 2800 വിദ്യാര്‍ഥികള്‍ 52 ഇനങ്ങളില്‍ മാറ്റുരയ്‌ക്കുന്നുണ്ട്.

ചിത്രങ്ങൾ - ആഷിഷ് കെ.വിൻസെന്‍റ്

വൈകിട്ട്‌ മൂന്നിന്‌ ഹൈക്കോടതി ജങ്‌ഷനില്‍നിന്നാരംഭിക്കുന്ന സാംസ്‌കാരിക ഘോഷയാത്രയിൽ നിരവധിപേർ പങ്കെടുത്തു. തുടർന്ന് നടന്ന ഉദ്ഘാടനത്തിൽ കലാ സാംസ്കാരിക രംഗത്തെ നിരവധിപേ‍ർ പങ്കെടുത്തു. ​ സംഗീതസംവിധായകൻ അർജ്ജുനൻ മാസ്റ്റർ ഭദ്രദീപം കൊളുത്തി. തു‍ടർന്ന് തിരുവാതിര, മൈം, ഭാരതനാട്യം മത്സരങ്ങളും നടന്നു.