കൊച്ചി: പെരുമ്പാവൂരിൽ കാരിക്കോട് ഇതര സംസ്ഥാന തൊഴിലാളിയെ മരിച്ചനിലയിൽ കണ്ടെത്തി. ആസാം സ്വദേശി മഹിബുള്ള അഹമ്മദിനെയാണ് മരിച്ചനിലയിൽ കണ്ടെത്തിയത്. കൊലപാതകമാണെന്ന സംശയത്തെത്തുടർന്ന് പോലീസ് അന്വേഷണം ആരംഭിച്ചു. കാരിക്കോട് പെട്രോൾ പമ്പിന് സമീപത്തുനിന്നും ദുർഗന്ധം വമിച്ചതിനെത്തുടർന്ന് പ്രദേശവാസികൾ തെരച്ചിലിലാണ് മൃതദേഹം കണ്ടെത്തിയത്. തുടർന്നാണ് മഹിബുള്ള അഹമ്മദിനെ താമസ സ്ഥലത്ത് മരിച്ചനിലയിൽ കണ്ടെത്തിയത്. ചെവിയിൽനിന്നും രക്തം വരുന്ന നിലയിലായിരുന്നു മൃതദേഹം. മുറി പുറത്തുനിന്നും പൂട്ടിയ നിലയിലായിരുന്നു.
ഫോറൻസിക്കും പോലീസും സ്ഥലത്തെത്തി പരിശോധന ആരംഭിച്ചു. മൃതദേഹത്തിന് നാല് ദിവസത്തെ പഴക്കമുള്ളതായി പോലീസ് പറഞ്ഞു. മുറി പുറത്തുനിന്നും പൂട്ടിയതിനെത്തുടർന്നാണ് മഹബുള്ളയുടേത് കൊലപാതകമാണെന്ന നിഗമനത്തിൽ പോലീസെത്തിയത്. മഹിബുള്ളയോടൊപ്പം താമസിച്ചിരുന്ന പങ്കജ് മണ്ഡൽ എന്നയാളെ കാൺമാനില്ല. ഇയാളെ കണ്ടെത്താനുള്ള അന്വേഷണത്തിലാണ് പോലീസ്.
ഫോറൻസിക്കും പോലീസും സ്ഥലത്തെത്തി പരിശോധന ആരംഭിച്ചു. മൃതദേഹത്തിന് നാല് ദിവസത്തെ പഴക്കമുള്ളതായി പോലീസ് പറഞ്ഞു. മുറി പുറത്തുനിന്നും പൂട്ടിയതിനെത്തുടർന്നാണ് മഹബുള്ളയുടേത് കൊലപാതകമാണെന്ന നിഗമനത്തിൽ പോലീസെത്തിയത്. മഹിബുള്ളയോടൊപ്പം താമസിച്ചിരുന്ന പങ്കജ് മണ്ഡൽ എന്നയാളെ കാൺമാനില്ല. ഇയാളെ കണ്ടെത്താനുള്ള അന്വേഷണത്തിലാണ് പോലീസ്.