കൊച്ചി: വിദ്യാഭ്യാസ മന്ത്രി പ്രൊഫസര് സി രവീന്ദ്രനാഥ് എറണാകുളം ജില്ലയിലെ ദുരിതാശ്വാസ ക്യാമ്പുകൾ സന്ദർശിച്ചു. കാഞ്ഞൂർ സെൻ സെബാസ്റ്റ്യൻസ് ഹൈസ്കൂൾ, ചെങ്ങൽ സെൻറ് ജോസഫ് ഗേൾസ് ഹൈസ്കൂൾ എന്നിവിടങ്ങളിലെ ക്യാമ്പുകളിലാണ് മന്ത്രി സന്ദർശനം നടത്തിയത്. കാഞ്ഞൂർ സെൻറ് മേരീസ് ഫൊറോന വികാരി വർഗീസ് പൊറ്റയ്ക്കൽ മുഖ്യമന്ത്രിയുടെ ദുരിതാശ്വാസ ഫണ്ടിലേക്കുള്ള രണ്ട് ലക്ഷം രൂപയുടെ ചെക്ക് വിദ്യാഭ്യാസ മന്ത്രിക്ക് കൈമാറി.
ജില്ലയിലെ 301 കുടുംബങ്ങളില് നിന്നായി 1085 അംഗങ്ങളാണ് കാഞ്ഞൂർ സെൻറ് സെബാസ്റ്റ്യൻസ് ഹൈസ്കൂളിലെ ദുരിതാശ്വാസ ക്യാമ്പിൽ കഴിയുന്നത്. ചെങ്ങൽ സെൻറ് ജോസഫ് ഗേൾസ് ഹൈസ്കൂളിൽ 307 കുടുംബങ്ങളിലെ 1147 അംഗങ്ങളാണുള്ളത്. മന്ത്രി ക്യാമ്പുകൾ സന്ദർശിക്കുകയും ക്യാമ്പ് നിവാസികള്ക്കാവശ്യമായ സൗകര്യങ്ങൾ ഉറപ്പുവരുത്തുകയും ചെയ്തു.
മുൻ എംപി പി രാജീവ്, ജിസിഡിഎ ചെയർമാൻ സി എൻ മോഹനൻ, പഞ്ചായത്ത് പ്രസിഡൻറ് എംപി ലോനപ്പൻ തുടങ്ങിയവർ മന്ത്രിയോടൊപ്പമുണ്ടായിരുന്നു. ക്യാമ്പില് കഴിയുന്നവരോട് ആശയവിനിമയം നടത്തി, ഏറെ നേരം അവരോടൊപ്പം ചെലവഴിച്ച ശേഷമാണ് മന്ത്രി മടങ്ങിയത്.
ജില്ലയിലെ 301 കുടുംബങ്ങളില് നിന്നായി 1085 അംഗങ്ങളാണ് കാഞ്ഞൂർ സെൻറ് സെബാസ്റ്റ്യൻസ് ഹൈസ്കൂളിലെ ദുരിതാശ്വാസ ക്യാമ്പിൽ കഴിയുന്നത്. ചെങ്ങൽ സെൻറ് ജോസഫ് ഗേൾസ് ഹൈസ്കൂളിൽ 307 കുടുംബങ്ങളിലെ 1147 അംഗങ്ങളാണുള്ളത്. മന്ത്രി ക്യാമ്പുകൾ സന്ദർശിക്കുകയും ക്യാമ്പ് നിവാസികള്ക്കാവശ്യമായ സൗകര്യങ്ങൾ ഉറപ്പുവരുത്തുകയും ചെയ്തു.
മുൻ എംപി പി രാജീവ്, ജിസിഡിഎ ചെയർമാൻ സി എൻ മോഹനൻ, പഞ്ചായത്ത് പ്രസിഡൻറ് എംപി ലോനപ്പൻ തുടങ്ങിയവർ മന്ത്രിയോടൊപ്പമുണ്ടായിരുന്നു. ക്യാമ്പില് കഴിയുന്നവരോട് ആശയവിനിമയം നടത്തി, ഏറെ നേരം അവരോടൊപ്പം ചെലവഴിച്ച ശേഷമാണ് മന്ത്രി മടങ്ങിയത്.