തിരുവനന്തപുരം: വിദ്യാർഥികളുടെ ഗ്രേസ് മാർക്ക് ഒരു കാരണവശാലും നഷ്ടപ്പെടില്ലെന്ന് മന്ത്രി ഇ.പി.ജയരാജൻ. വലിയ ആഘോഷമില്ലാതെ കലാകായിക മത്സരങ്ങൾ നടത്തുന്നതിനെ കുറിച്ച് സർക്കാർ ആലോചിക്കും. സർക്കാർ തലത്തിലുള്ള ആഘോഷങ്ങൾ ഒരു വർഷത്തേക്കു റദ്ദാക്കിയ കാര്യത്തിൽ മാറ്റമില്ലെന്നും ജയരാജൻ പറഞ്ഞു. ഇക്കാര്യത്തിൽ മന്ത്രിമാർ തമ്മിൽ അഭിപ്രായവ്യത്യാസമില്ലെന്നും അദ്ദേഹം പറഞ്ഞു.
സംസ്ഥാന മേളകളുമായി ബന്ധപ്പെട്ടുള്ള വാർത്തകളിൽ വിദ്യാർത്ഥികൾ ആശങ്കപ്പെടേണ്ടതില്ല. കലാ - കായിക മേഖലകളിൽ വിദ്യാർത്ഥികളുടെ കഴിവുകളെ പ്രോത്സാഹിപ്പിക്കാൻ സർക്കാർ ഒപ്പമുണ്ടാകുമെന്നും ജയരാജൻ കൂട്ടിച്ചേർത്തു. ഗ്രേസ് മാർക്ക് നൽകുന്നതിന് വേണ്ടി സംസ്ഥാനതലം വരെ മത്സരം നടക്കണം. ദേശീയതലത്തിലുള്ള പരിപാടികളിൽ വിദ്യാർഥികളെ പങ്കെടുപ്പിക്കുമെന്നും മന്ത്രി വ്യക്തമാക്കി.
സംസ്ഥാന മേളകളുമായി ബന്ധപ്പെട്ടുള്ള വാർത്തകളിൽ വിദ്യാർത്ഥികൾ ആശങ്കപ്പെടേണ്ടതില്ല. കലാ - കായിക മേഖലകളിൽ വിദ്യാർത്ഥികളുടെ കഴിവുകളെ പ്രോത്സാഹിപ്പിക്കാൻ സർക്കാർ ഒപ്പമുണ്ടാകുമെന്നും ജയരാജൻ കൂട്ടിച്ചേർത്തു. ഗ്രേസ് മാർക്ക് നൽകുന്നതിന് വേണ്ടി സംസ്ഥാനതലം വരെ മത്സരം നടക്കണം. ദേശീയതലത്തിലുള്ള പരിപാടികളിൽ വിദ്യാർഥികളെ പങ്കെടുപ്പിക്കുമെന്നും മന്ത്രി വ്യക്തമാക്കി.