തോ​മ​സ് ചാ​ണ്ടി സു​പ്രീം കോ​ട​തി​യി​ലേ​ക്ക്

കൊച്ചി: ഹൈക്കോടതി ഉത്തരവിനെതിരെ ചാണ്ടി സുപ്രീം കോടതിയിലേക്ക് . ഹൈക്കോടതി ഉത്തരവ് സ്റ്റേ ചെയ്യണമെന്ന് ആവശ്യം .ഇതിനായി ചൊവ്വാഴ്ച തന്നെ മന്ത്രി ഡല്‍ഹിക്കു തിരിക്കും. ഹൈക്കോടതിയില്‍ നിന്നും തിരിച്ചടിയുണ്ടായതിനു പിന്നിലെ മന്ത്രിയുടെ രാജിക്കായി മുറവിളി ഉയര്‍ന്നിരുന്നു. മാര്‍ത്താണ്ഡം കായല്‍ കയ്യേറ്റവും, സീറോ ജെട്ടി റോഡ് എന്നിവയുടെ കാര്യത്തില്‍ നിയമ വിരുദ്ധ പ്രവര്‍ത്തനങ്ങള്‍ നടന്നു എന്ന ആലപ്പുഴ ജില്ല കളക്ടറുടെ റദ്ദാക്കണം എന്നായിരുന്നു തോമസ് ചാണ്ടിയുടെ ആവശ്യം.

തോമസ് ചാണ്ടിയുടെ ഹര്‍ജിയില്‍ സര്‍ക്കാരാണ് ഒന്നാം കക്ഷി. മന്ത്രിയുടെ സര്‍ക്കാരിന്‍റെ ഭാഗമാണ്. പിന്നെങ്ങനെ ഹര്‍ജി നിലനില്‍ക്കുമെന്ന് ഡിവിഷന്‍ ബെഞ്ച് ചോദിച്ചു. സര്‍ക്കാരും ചാണ്ടിയെ കൈയൊഴിഞ്ഞതോടെ ഹൈക്കോടതി കടുത്ത പരാമര്‍ശങ്ങളാണ് നടത്തിയത്. മന്ത്രിയുടെ ഹര്‍ജി അപക്വമായി പോയെന്ന സ്റ്റേറ്റ് അറ്റോര്‍ണിയുടെ വാക്കുകള്‍ക്ക് പിന്നാലെ സര്‍ക്കാരിന് പോലും മന്ത്രിയെ വിശ്വാസമില്ലെന്ന പരാമര്‍ശം ഹൈക്കോടതി നടത്തി. ദന്തഗോപുരത്തില്‍ നിന്നും ഇറങ്ങിവന്ന് അധികാരം ഒഴിഞ്ഞ് സാധാരണക്കാരനെ പോലെ നിയമ നടപടികളെ നേരിടൂ എന്നും ഹൈക്കോടതി പരാമര്‍ശം നടത്തി.